影片
更多
2021-07-19
384 瀏覽
旺角新開嘅鮨店藤Sushi Téng，店內全部都係吧枱，全部都可以睇到師傅手勢，不過店內只有大概10個座位，而且不設預訂，要食嘅話有機會要等一陣！當日我6:30pm到都要等位，可見小店人氣十足！藤 & Teng ($328)超靚嘅壽司set，擺咗八貫壽司，一款御料理，吸物及兩款甜品！野菜豆乳湯用上北海道豆乳、野菜同洋蔥熬成，入口鮮甜充滿奶香，好飲！壽司係師傅發辦，舍利飯用上赤醋，捏得緊緻唔鬆散，入口又唔會太實。8款壽司入面主要係魚類，有淡身魚，有魚味比較濃郁嘅，亦有油份比較豐盈嘅，仲有火炙系列，對鍾意食魚嘅我來講係大滿足！拖羅油份豐腴，柔軟無筋；火炙金目鯛肉質彈性有嚼勁；火炙左口魚邊逼出油香，入口即溶；深海池魚魚味濃郁，口感細緻；唯一係海膽有少許出水情況，雖然用上日本海膽，但鮮甜度一般。熟食有慢煮八爪魚，八爪魚慢煮後肉質軟腍而不韌，唔錯。兩款甜品都賣相吸引，櫻花水玄餅晶瑩滑溜，加入食用櫻花，配以黑糖，精緻又香甜。熊仔餅配紅豆蓉超級可愛，不過熊仔餅就比較淋唔夠脆，有改善空間。除咗Set之外，亦有壽司及丼飯散點。活赤貝壽司（$48@）活赤貝好新鮮，肉質爽彈，鮮味十足！火炙銀鱈魚壽司（$48
藤 & Teng ($328)
超靚嘅壽司set，擺咗八貫壽司，一款御料理，吸物及兩款甜品！野菜豆乳湯用上北海道豆乳、野菜同洋蔥熬成，入口鮮甜充滿奶香，好飲！
壽司係師傅發辦，舍利飯用上赤醋，捏得緊緻唔鬆散，入口又唔會太實。8款壽司入面主要係魚類，有淡身魚，有魚味比較濃郁嘅，亦有油份比較豐盈嘅，仲有火炙系列，對鍾意食魚嘅我來講係大滿足！拖羅油份豐腴，柔軟無筋；火炙金目鯛肉質彈性有嚼勁；火炙左口魚邊逼出油香，入口即溶；深海池魚魚味濃郁，口感細緻；唯一係海膽有少許出水情況，雖然用上日本海膽，但鮮甜度一般。熟食有慢煮八爪魚，八爪魚慢煮後肉質軟腍而不韌，唔錯。
兩款甜品都賣相吸引，櫻花水玄餅晶瑩滑溜，加入食用櫻花，配以黑糖，精緻又香甜。
熊仔餅配紅豆蓉超級可愛，不過熊仔餅就比較淋唔夠脆，有改善空間。
除咗Set之外，亦有壽司及丼飯散點。
活赤貝壽司（$48@）
活赤貝好新鮮，肉質爽彈，鮮味十足！
火炙銀鱈魚壽司（$48@）
火炙銀鱈魚好肥美，火炙後帶豐潤魚油香！
自製玉子燒（$28/2件）
玉子燒雖然比較細件，但甜甜地帶蛋香，都值得一試。
明太子雞翼（$28/2件）
雞翼燒得皮脆肉嫩，入面塞滿明太子，更添鹹香。
火炙魚生丼（$78）
火炙魚生丼好抵食，有火炙三文魚兩切，火炙左口魚邊兩切，北海道帶子兩切及油甘魚兩切，刺身擺滿一碗，用料高質！
我哋嗰日去咁啱做緊$1優惠，只要消費滿$80，加$1就可以加配吞拿魚蓉三文魚籽海膽壽司，非常抵食！我哋點咗2份， 雖然只係$1，但用料絕無將貨就價，師傅一樣係落足料！三重鮮味，正！
整體食物質素唔錯，性價比頗高，店員服務都有禮周到，不時主動斟茶。當晚師傅馬不停蹄，未有同食客太多交流，但如果可略為介紹食材名稱及講解食壽司嘅先後次序就更好啦。
張貼
