影片
更多
2022-09-20
50 瀏覽
今日嚟到旺角呢個新嘅商場食泰國嘢，呢個泰國餐廳呢裝修都幾靚幾適合打卡，食物都OK中上，不過就唔算好泰式！所有菜式都比較大份，可以同人share食！呢個價錢呢個份量真係幾唔錯，重點係影相都好靚😆🍴 香草蒜蓉包 $48 (7/10) 另收加一超級香脆，蒜蓉味好香濃屬於比較鹹香，不過焗得比較乾身。🍴馬薩拉香料牛肉咖喱 $128 (7/10) 另收加一超級大份！入邊都好多料，好多牛肉，有茄子秋葵腰果薯仔蓮藕，真係比較辣，比較重香料味，食到一粒粒印度香料，覺得似印度咖喱多過泰國嘢，牛肉就比較鞋口同埋靭，蔬菜撈汁都好好食！剩返來講個味道係濃同埋辣辣地，OK嘅！🍴藍蝶花蟹肉菠蘿炒飯 $138 (7.5/10) 另收加一個飯都幾足料！蝶豆花係個藍色嘅顏色佢係冇乜味嘅，個飯用咗提子乾，蛋肉鬆菠蘿洋蔥腰果蟹肉，非常欣賞佢用新鮮菠蘿同埋新鮮嘅蟹肉，新鮮菠蘿酸酸甜甜，好清新，蟹肉係食到有鮮味一絲絲，整體係比較偏甜嘅，炒飯口感比較濕少少，都幾有創意，不過就唔算好泰式。🍴楊枝甘露奶蓋 $48 (8/10)上面係椰子奶蓋，都幾香椰子味，但比較淡，唔會太甜，質感會比較稀，下面有芒果柚子西米芒果啫喱，食到好多芒果柚子，
🍴 香草蒜蓉包 $48 (7/10) 另收加一
超級香脆，蒜蓉味好香濃屬於比較鹹香，不過焗得比較乾身。
🍴馬薩拉香料牛肉咖喱 $128 (7/10) 另收加一
超級大份！入邊都好多料，好多牛肉，有茄子秋葵腰果薯仔蓮藕，真係比較辣，比較重香料味，食到一粒粒印度香料，覺得似印度咖喱多過泰國嘢，牛肉就比較鞋口同埋靭，蔬菜撈汁都好好食！剩返來講個味道係濃同埋辣辣地，OK嘅！
🍴藍蝶花蟹肉菠蘿炒飯 $138 (7.5/10) 另收加一
個飯都幾足料！蝶豆花係個藍色嘅顏色佢係冇乜味嘅，個飯用咗提子乾，蛋肉鬆菠蘿洋蔥腰果蟹肉，非常欣賞佢用新鮮菠蘿同埋新鮮嘅蟹肉，新鮮菠蘿酸酸甜甜，好清新，蟹肉係食到有鮮味一絲絲，整體係比較偏甜嘅，炒飯口感比較濕少少，都幾有創意，不過就唔算好泰式。
🍴楊枝甘露奶蓋 $48 (8/10)
上面係椰子奶蓋，都幾香椰子味，但比較淡，唔會太甜，質感會比較稀，下面有芒果柚子西米芒果啫喱，食到好多芒果柚子，酸酸甜甜都幾香濃芒果味，整體唔會太甜都幾好飲！
推薦指數: 7.5/10
屬於比較新式創意fusion泰國菜，覺得個口味迎合左香港人，唔會太辣太刺激，打卡非常唔錯，味道都OK，服務態度真係超級好，侍應成日加水又好有禮貌，真心好加分，嚟到旺角想舒舒服服食泰國嘢都可以去呢度食，不過呢就限時90分鐘！
張貼
