影片
更多
2023-03-05
36 瀏覽
自認係一個飯桶，正所謂冇飯不歡，尤其係鍾情日本米。今次介紹嘅《丼燃食堂 》就一定滿足到我。丼燃食堂位於旺角花園街，門口好醒神嘅霓虹燈招牌好快就吸引着我入去。餐廳主打日式丼飯，每一款都係材料爆滿，啱晒我嗰啲食極都唔飽嘅人。有別於傳統嘅日本餐廳，佢哋每一款丼飯都有4款醬汁可以選擇，分別係海膽醬、明太子醬、蜜糖芥茉醬和芝士蟹籽醬。虎士山丼 $148聽個名就知道依款丼飯係富士山嘅形狀，用咗多款魚生：三文魚蓉、拖羅蓉、帶子、蟹肉、三文魚籽、黑松露。第一啖就食到面頭嘅三文魚籽同埋黑松露，三文魚籽嘅海水味同埋濃郁嘅黑松露係口腔久久不散。另外第二層口感就係三文魚蓉同埋拖羅蓉嘅魚鮨同埋綿密口感。第三就係帶子同埋蟹肉嘅鮮甜味，三重味道同口感真係好有層次。月肝肝鰻魚丼 $148好多片唔同嘅鰻魚堆砌成一個小山丘，上面同樣放咗炸蔥絲同埋黑松露。鰻魚外層燒到焦香，再加上帶甜嘅日式鰻魚汁，口感極之軟腍又充滿魚鮨香。另外月肝肝就係鵝肝，煎香嘅鵝肝入口即溶，好濃郁又唔油膩。金龍卷 $68店員送上嚟嘅時候會用火槍點燃，第一時間梗係打張卡先。金龍其實就係鰻魚，壽司亦放左蟹籽，壽司內餡就係炸蕃薯。味道有鰻魚嘅鮮甜同埋炸蕃薯嘅
有別於傳統嘅日本餐廳，佢哋每一款丼飯都有4款醬汁可以選擇，分別係海膽醬、明太子醬、蜜糖芥茉醬和芝士蟹籽醬。
虎士山丼 $148
聽個名就知道依款丼飯係富士山嘅形狀，用咗多款魚生：三文魚蓉、拖羅蓉、帶子、蟹肉、三文魚籽、黑松露。第一啖就食到面頭嘅三文魚籽同埋黑松露，三文魚籽嘅海水味同埋濃郁嘅黑松露係口腔久久不散。另外第二層口感就係三文魚蓉同埋拖羅蓉嘅魚鮨同埋綿密口感。第三就係帶子同埋蟹肉嘅鮮甜味，三重味道同口感真係好有層次。
月肝肝鰻魚丼 $148
好多片唔同嘅鰻魚堆砌成一個小山丘，上面同樣放咗炸蔥絲同埋黑松露。鰻魚外層燒到焦香，再加上帶甜嘅日式鰻魚汁，口感極之軟腍又充滿魚鮨香。另外月肝肝就係鵝肝，煎香嘅鵝肝入口即溶，好濃郁又唔油膩。
金龍卷 $68
店員送上嚟嘅時候會用火槍點燃，第一時間梗係打張卡先。金龍其實就係鰻魚，壽司亦放左蟹籽，壽司內餡就係炸蕃薯。味道有鰻魚嘅鮮甜同埋炸蕃薯嘅香脆口感，都好值得推介。
丼燃食堂 (旺角)
旺角花園街3-5號鴻威大廈地下6號舖
張貼
