街坊Cafe (已結業)

不嬲都知通菜街多高質小店餐廳，同朋友行開旺角諗住黎搵好野食，結果發現左呢間街坊cafe, 一於入去試試！我地去嘅時候大概下午兩點幾，餐廳人流唔算多，裝修幾色彩繽紛帶有香港特色，坐位亦算闊落。我地首先叫左煙三文魚雞肉凱撒沙律，算足料新鮮，煙三文魚口感唔會霉亦唔會過鹹。麵包粒夠香脆。另外，餐廳做緊芝士焗蠔特價12蚊一隻，同朋友一人叫左一隻，芝士做到流心口感，唔會熟曬，蠔身亦頗大隻，有驚喜👍🏻主菜方面，我地叫左溫泉蛋明太子意粉，濃厚明太子醬唔會過鹹，加埋流心溫泉蛋同埋紫菜絲口感好豐富，正呀👍🏻👍🏻另一個主菜叫左鐵板比目魚扒，魚扒煎得啱啱好，keep 到肉質鮮嫩多汁，但略嫌脂肪多左少少。另外加二十幾蚊可以有龍蝦湯同埋餐飲，龍蝦湯算幾濃。最後每人都係食左約150蚊，唔算貴，可以一試👍🏻