吃扒 (已結業)

今日同媽媽去咗一間旺角嘅懷舊西餐廳，佢嘅店面係以紫色為主色調，入面掛滿左玻璃燈，以懷舊嘅西式裝飾為主，佢呢度主打鐵板餐，而且仲有新酮嘅餐單添，唔使減肥嘅人士。⚜️煙三文魚牛油果沙律減緊肥嘅我真係好適合食呢一個沙律，煙三文魚同埋牛油果都係我最愛，沙律菜好新鮮，同埋份量都係比較多嘅，有少少果醋好開胃。⚜️20cm吉列豬扒呢個豬扒我係配搭左熱熔芝士，店員會煮熱阻啲芝士直接喺你面前淋上塊豬扒嗰度，保證啲芝士夠晒熱 。原本佢嘅豬扒都已經炸到脆卜卜，但係佢嘅豬扒仲係超級嫩口，加埋啲芝士超濃郁嘅味道，好味到停唔到口。而且佢嘅豬扒有成20 cm咁大，我同媽咪兩個人食都食唔曬丫。⚜️西班牙咖啡飲一杯好嘅咖啡真係好重要，咁佢呢一個呢係有糖有奶嘅，味道調配得好好，咖啡味都幾濃。⚜️荔枝烏龍平時我比較鍾意飲紅茶，呢度嘅果味紅茶都有幾款，而家仲有果味添。荔枝都係我嘅最愛水果之一，佢嘅茶唔算太甜，烏龍茶入面有淡淡的荔枝香味。