影片
更多
2024-05-18
205 瀏覽
呢晚嚟咗旺角嘅居酒屋食晚飯 見到有個幾抵食嘅二人餐 只需$298就食到5款食物😊慢煮黑椒牛肉沙律呢個沙律係用咗胡麻醬同埋新鮮蔬菜整成🥗 係一碟好Fresh嘅前菜 面頭仲有四大片黑椒牛肉🐮 令到呢個沙律唔會太單調芥末牛舌作為涼拌嘅前菜呢一個牛舌真係好特別👍🏻 因為用上Wasabi做調味 食落口有少少辛辣 牛舌粒整得好腍身 一啲都唔韌👅 炸雞軟骨呢一碟炸雞軟骨上碟時熱辣辣 炸粉唔算好厚 但係就炸得好脆卜卜😮 配埋側邊嘅蛋黃醬真係絕配 日式煮餃子呢一碟餃子外皮唔會好厚 入面就有椰菜豬肉餡料🥟 配埋底下嘅日式醬汁 真係好有和風滋味三文魚海膽炒飯呢個橙黃色嘅炒飯入面真係有好多海膽同埋三文魚😗 海膽炒飯炒得幾乾身 而且粒粒分明 仲有啲蟹籽喺面可以增加口感飲品我地另外嗌咗兩杯特飲 巨峰葡萄檸檬綠茶同埋柑橘檸檬綠茶🍵 兩杯都唔會好甜 清清地幾好味 我自己就比較鍾意柑橘檸檬多啲🍊呢一餐都食得幾飽 呢個價錢喺旺角食到咁多野都算幾高性價比啊🥰
呢晚嚟咗旺角嘅居酒屋食晚飯 見到有個幾抵食嘅二人餐 只需$298就食到5款食物😊
慢煮黑椒牛肉沙律
呢個沙律係用咗胡麻醬同埋新鮮蔬菜整成🥗 係一碟好Fresh嘅前菜 面頭仲有四大片黑椒牛肉🐮 令到呢個沙律唔會太單調
芥末牛舌
作為涼拌嘅前菜呢一個牛舌真係好特別👍🏻 因為用上Wasabi做調味 食落口有少少辛辣 牛舌粒整得好腍身 一啲都唔韌👅
炸雞軟骨
呢一碟炸雞軟骨上碟時熱辣辣 炸粉唔算好厚 但係就炸得好脆卜卜😮 配埋側邊嘅蛋黃醬真係絕配
日式煮餃子
呢一碟餃子外皮唔會好厚 入面就有椰菜豬肉餡料🥟 配埋底下嘅日式醬汁 真係好有和風滋味
三文魚海膽炒飯
呢個橙黃色嘅炒飯入面真係有好多海膽同埋三文魚😗 海膽炒飯炒得幾乾身 而且粒粒分明 仲有啲蟹籽喺面可以增加口感
飲品
我地另外嗌咗兩杯特飲 巨峰葡萄檸檬綠茶同埋柑橘檸檬綠茶🍵 兩杯都唔會好甜 清清地幾好味 我自己就比較鍾意柑橘檸檬多啲🍊
呢一餐都食得幾飽 呢個價錢喺旺角食到咁多野都算幾高性價比啊🥰
張貼
