阿來泰式地道風味

營業中

休息中

同FD行旺角，想食好食又唔貴嘅泰國嘢，咁encore哩間餐廳啦。晚市好full，未夠7點鐘已差唔多坐滿。可樂，食辣一定要飲隻汽水。凍泰式奶茶，泰式香味好濃，成杯甜度啱啱好，飲落唔會好甜。泰式鹵豬脾（例牌），豬手鋪滿一碟，分量好大。豬手滷得好軟嫩，入口即化。豬皮骨膠原滿滿，食落Q彈爽口。伴碟仲有鹵水蛋，酸菜同青菜，咸酸菜中和咗豬手油膩，唔錯。泰式香葉炒肉碎，落咗大量香葉，辣椒同魚露同肉碎一齊炒，好香辣惹味，就飯簡直一流。馬拉盞炒通菜，哩碟餸炒得好有鑊氣，通菜炒得啱啱斷生，食落好脆口。加入馬拉盞同蒜粒，辣椒一齊炒，好泰式風味。