極上帝王水產

營業中

休息中

第一次試呢間放題，環境同氣氛真係好正！空間夠大，就算係閒日都幾乎坐滿，好彩搵到卡位坐，夠晒舒服。店員服務態度亦好好，全程都好有禮貌～ 開餐先狂掃一大盤刺身，新鮮度同味道都唔錯！仲試咗幾款小食，其中生蠔雖然唔腥，但就未夠甜，size亦偏細，有少少可惜。黑松露炒蛋嘅松露味比較淡，屬於清爽口感；反而芝麻雞翼好出色，香到入晒骨；鰻魚卷亦夠入味，鹹淡啱啱好，幾過癮。 之後轉戰打邊爐，揀咗壽喜燒湯底，略嫌偏鹹，要溝少少水調味。材料選擇好多，牛肉尤其肥美，款式夠多任揀。食完火鍋仲有燒肉續攤，一樣款式豐富，邊烤邊食超過癮，飲品選擇亦好夠，完全唔使擔心冇嘢配。 總體嚟講，加錢升級絕對值得，第一次體驗都幾滿意～