更多
2021-11-16
343 瀏覽
有去開旺角行街既朋友，相信對於豉油街呢個地方應該唔會太陌生，皆因無論你想去信和商場買碟﹑旺角百老匯睇戲﹑甚或去潮流特區/兆萬/銀城買衫買鞋都好，基本上都會經過豉油街與西洋菜南街/彌敦道呢個路口。而Lab Eat Bistro就正正坐落於呢個黃金地段，仲要佔地3層 (包括地面入口處)之下，離遠都會俾大家輕鬆見到門面 - 趁星期日同老公出開旺角行街就黎呢度試下先。由於佔地非常大既關係，每張枱之間雖然落左隔板但都有相當既空間可以活動，唔似有好多餐廳為提高入座人數，將隔板放得好密而令人好有壓迫感!食物方面，雖然午餐既選擇唔算太多，不過唔同價錢令大家選擇起黎都有彈性，而由於老公實在太肚餓關係，我地都係選擇左全日早餐 (All Day Breakfast)以及牛扒與蛋 (Steak and Eggs)；而本身午餐會包括1杯餐牌內既無酒精飲品 (包括咖啡﹑特式咖啡﹑茶及花茶關係)，小編就揀左櫻花岩鹽咖啡﹑而老公就揀左意式咖啡湯力。可能時間尚早而唔算多人既關係，食物10分鐘內就已經上枱喇!1) Steak and Eggs ($168): 表面上份量唔算太多，但其實整塊牛扒切出黎都唔少，而無咩筋位情
由於佔地非常大既關係，每張枱之間雖然落左隔板但都有相當既空間可以活動，唔似有好多餐廳為提高入座人數，將隔板放得好密而令人好有壓迫感!
食物方面，雖然午餐既選擇唔算太多，不過唔同價錢令大家選擇起黎都有彈性，而由於老公實在太肚餓關係，我地都係選擇左全日早餐 (All Day Breakfast)以及牛扒與蛋 (Steak and Eggs)；而本身午餐會包括1杯餐牌內既無酒精飲品 (包括咖啡﹑特式咖啡﹑茶及花茶關係)，小編就揀左櫻花岩鹽咖啡﹑而老公就揀左意式咖啡湯力。
可能時間尚早而唔算多人既關係，食物10分鐘內就已經上枱喇!
1) Steak and Eggs ($168): 表面上份量唔算太多，但其實整塊牛扒切出黎都唔少，而無咩筋位情況下可以更容易品嚐到肉質。牛扒食落去非常嫩滑而多汁，睇到牛扒表面唔需要落太多既調味而直接將牛扒既原味呈現出黎，令人感覺佢都有信心去提供優質既食物俾食客既! 而令小編更驚喜既係旁邊既厚煎雙蛋 - 估計佢以慢火慢慢煎既關係，底層為薄薄既一層蛋焦，而表面就係稍嫩既蛋白，但同時甜甜既蛋黃汁仲仍然保留半熟既狀態!
2) All Day Breakfast ($138): 每次點既All Day Breakfast佢都會期待廚師上碟既方式，皆因會好睇得出餐廳對於擺設食物既細心度。Lab Eat Bistro所擺設既方式都算幾好，某程度上冷熱盤既範圍分明，從而唔會令原本既冷盤變成又冷又熱而影響味道。
相對Steak & Eggs，早餐既炒蛋有濃郁既黑松露味 (雖然會蓋過少少原本既蛋香，但好食)；煙肉﹑腸都煎到表面有脆口既感覺；雜菌算係厚切，所以食落去有陣陣健康既菇味；多士其實焗得好脆，但可能上碟後掛住食牛扒個邊而令食個陣變軟。
3) Salted Sakura Coffee ($38，隨午餐附送): 岩鹽成功令原本既咖啡減少左苦澀既味道，再加上櫻花調料既香味，令整杯飲品感覺較似甜甜既鮮奶咖啡，對比較害怕咖啡味，但又好想品嚐既朋友係好既選擇。
4) Espresso Tonic ($42，隨午餐附送): 老公比較鍾意凍咖啡下，選擇Tonic既系列去試下同咖啡融合既效果。由於佢加左塊檸檬作為調味下，令整杯咖啡會有少少檸啡既味道，但同時湯力水微苦既味道令咖啡更易入口。而本身咖啡味亦唔算太強下，令整杯飲品既平衡感做得非常好。
整個午餐無論響菜式既味道上﹑擺放上都做得唔錯；地理上實在太方便而又有非常充足既用餐環境，都會令印象加分而令人想再黎幫襯既。 價錢上以今次人均消費$170黎講的確係偏貴，不過響旺角區食飯，就算去朗豪坊﹑TOP商場或者新世紀廣場食既話都係差唔多價錢，所以都可以接受既。
再睇埋個晚餐菜單後，都會令小編有興趣再黎試下佢地既牛扒吧!
題外話/補充資料：
小編再上網研究呢間既分店個陣，先知道原來Lab Eat Bistro係尖沙咀﹑以及旺角TOP商場個間LAB EAT Restaurant & Bar既姊妹店。其實之前個兩間LAB EAT都已經上過Openrice既餐廳榜而累積好高人氣既評價，有機會都要去呢兩間試下先!
(以上食評乃用戶個人意見 , 並不代表OpenRice之觀點。)
張貼
