影片
更多
2025-04-13
42 瀏覽
個日朋友話想玩board game，又想搵個地方坐耐啲，雖然我笑佢話兩個人好難玩board game，但最後揀咗Any moment。咁多年冇嚟過，啲裝修同以前冇乜分別，但多咗幾隻chiikawa。Board game就越嚟越多，平時一大班朋友嚟最鍾意玩嘅黃牌都有，仲有我自己私心好鍾意嘅大搜查。嗰時好急就直接打電話俾老闆訂位，老闆都好爽快同我講話有位。傾起計嘅時候老闆同我講話下次過嚟打電話訂枱會好啲，佢自己都習慣聽電話多啲。整體而言，餐廳每道餸嘅味道唔會話令到你覺得好驚喜，但係就好似返咗屋企食飯嗰種感覺，好溫馨好chill，完全唔會話好快食完就要交枱。‣ 韓式牛肋條飯老闆同我講佢嘅牛肋條係「原汁原味」咁上，咬落去嘅時候我都真係明，好濃郁嘅牛味。個汁有少少辣，但係咁樣配埋飯食啱啱好，而且可以中和到嗰種油膩感。個飯嘅軟熟程度幾好，啲飯唔會話濕得滯。而佢嘅飯特別整咗個造型，見到隻貓貓趴喺個碗邊好得意。‣ 卡邦尼煙三文魚螺絲粉好耐冇食過螺絲粉，平時都係嗌意粉，個白汁調味好溫和，仲有些許芝士。一邊食嘅時候就會諗返起以前細細個食西餐嘅味道，食落去嘅時候個感覺真係好舒服，唔係一啲好驚艷嘅味道，但
嗰時好急就直接打電話俾老闆訂位，老闆都好爽快同我講話有位。傾起計嘅時候老闆同我講話下次過嚟打電話訂枱會好啲，佢自己都習慣聽電話多啲。整體而言，餐廳每道餸嘅味道唔會話令到你覺得好驚喜，但係就好似返咗屋企食飯嗰種感覺，好溫馨好chill，完全唔會話好快食完就要交枱。
‣ 韓式牛肋條飯
老闆同我講佢嘅牛肋條係「原汁原味」咁上，咬落去嘅時候我都真係明，好濃郁嘅牛味。個汁有少少辣，但係咁樣配埋飯食啱啱好，而且可以中和到嗰種油膩感。個飯嘅軟熟程度幾好，啲飯唔會話濕得滯。而佢嘅飯特別整咗個造型，見到隻貓貓趴喺個碗邊好得意。
‣ 卡邦尼煙三文魚螺絲粉
好耐冇食過螺絲粉，平時都係嗌意粉，個白汁調味好溫和，仲有些許芝士。一邊食嘅時候就會諗返起以前細細個食西餐嘅味道，食落去嘅時候個感覺真係好舒服，唔係一啲好驚艷嘅味道，但絕對係令你會心一笑嘅味道。
‣ 香蕉朱古力奶昔
如果問我推薦啲咩，我一定會推薦餐廳嘅奶昔，主要推薦生果系列，香蕉士多啤梨呢啲。人大咗都好少食甜品，但係冇quota都會飲呢到嘅奶昔，同樣味道都好溫潤，甜唔係平時食到嘅死甜，真係即刻叫、即刻打。
‣ 瑞士汁雞翼
幾多年冇食瑞士汁雞翼，一樣都係我童年好鍾意食嘅嘢，依稀記得呢到嘅瑞士汁雞翼好好食，所以飽飽地都忍唔住嗌一份同朋友share，真係會有一種帶你返返去童年嘅感覺。瑞士汁嘅味道啱啱好，雞翼都煮得好軟腍，上咗枱五分鐘已經清咗碟。
‣ 護肝茶
朋友話想健康啲，但係諗唔到飲咩，我就問老闆推薦啲養生嘅嘢飲，佢就比咗壺護肝茶我哋，飲落去嘅時候確實好舒服，係養生嘅感覺。
張貼
