日本野 (已結業)

因為就嚟搬離旺角office, 今日帶班同事去試新良心餐廳。帶住日本人去食日本嘢其實有少少挑戰性，不過好在我個日本老細好易話為，唔算太刻薄或挑剔。係openrice 訂座仲有88折，幾個同事叫牛肉don, 好大碗，好抵食，雖然啲牛唔係好靚，有啲硬，個烏冬都好唔錯，吉列豬扒咖喱飯都好足料。最重要係節後價錢非常之相宜，我哋一人嗌一個午餐，連買飲品之後都係$54一個人。仲平過佢好多茶餐廳食。連我老細都不停咁話好抵食好抵食。