阿來泰式地道風味

營業中

休息中

今日晏晝約左朋友喺旺角食野，估唔到唔使去到九龍城都食到地道泰國菜，餐廳名叫‘阿來’，係泰文即係好味既意思，餐廳入面播住泰文歌，牆上寫住泰文字，再望一望個廚房，都係泰國人煮緊菜，勁有feel，店員都好有禮貌，午飯時間佢個午餐都多選題又抵食，不過我同朋友都唔鍾意食飯，所以叫左三個菜同一個甜品。金柚子鮮蝦沙律-用左泰國柚，粒粒飽滿多汁，再配埋鮮蝦，烘過既花生同蝦仔泰式醬汁，開胃清新。泰式鐵板蠔仔蛋-好大碟，蠔仔🦪同蛋夠滑唔老，蠔仔乾淨大粒，粒粒分明，底舖左牙菜，記住點埋個橙色既辣椒醬，好味唔油膩。馬拉盞炒椰菜苗-椰菜苗通常泰國餐廳先有，用馬拉盞炒都幾惹味。香葉椰汁西米糕-雪凍左既椰汁西米糕食落去好似食緊雪糕咁，西米混入芋頭粒，又香又有咬口。