僕之拉麵 (已結業)

僕之拉麵位於旺角豉油街，地點方便之餘拉麵款式好吸睛，經過一段時間俾靚相洗版之後終於的起心肝去試，食麵之餘仲可以打卡！🔸海老愛食者拉麵第一次到訪一定要試呢個每日限定15碗既海老拉麵🦐🦐一上枱已經好有氣勢，麵碗邊邊總共擺咗七隻赤蝦、三個蝦頭，火炙過後赤蝦鹹香同鮮味更加突出。蝦湯底濃郁鮮甜，仲有櫻花蝦提升鮮味，加半隻溏心味玉成個拉麵好豐富，大推🤤唯一要挑剔嘅係店內冷氣都幾強，碗邊蝦肉好快會涼左，影得唔好影咁耐😂🔸肉愛食者拉麵另一款氣勢上枱之選，八塊叉燒鋪滿碗邊，每一片都大大塊。除咗旁邊叉燒，碗內仲有大量角切叉燒，肯定滿足到食肉獸🦖湯底以西班牙產地豚骨煮沸超過12小時熬製而成，加上秘製醬油做出超濃厚豚骨白湯，味道濃郁。配料如酸筍、溏心蛋同蔥分量唔吝嗇，如果麵條再掛湯啲就好喇！