大山日本料理

營業中

休息中

趁住星期日放假，去左食日本野。今次去食嘅日本野係－ 大山日本料理，餐廳喺旺角登打士廣場附近，好方便。特上刺身拼盤見到menu上面張圖好吸引，一於就叫左黎試下。menu有寫埋件數，可以自己大約預返份量，成個拼盤最鐘意佢三文魚腩，帶子同海膽。三文魚腩大細啱啱好一啖擺曬落口，三文魚香同爽滑同一時間感覺到，好滿足。帶子都好鮮甜，唔會韌。海膽香味濃郁，食落質地都好幼滑。大阪燒上枱熱辣辣，已經切好四份，粉嘅比例啱啱好，椰菜爽脆。配埋燒醬，蛋黃醬，仲有滿滿嘅鰹魚乾片，好好食，趁熱食。黑松露三文魚沙律好好食，三文魚切粒，加左黑松露醬，每粒三文魚粒都好均勻咁有黑松露醬喺面。食落每啖有淡淡嘅黑松露香，但唔會掩蓋左三文魚嘅鮮甜味，食落好清新。配埋新鮮沙律菜，非常開胃。本身想試下梅酒梳打，原來飲品下午時段冇酒水，所以就叫左杯熱咖啡，味道都OK。