影片
更多
2022-04-21
67 瀏覽
在OpenRice 找找看，想搵一個坐得舒適又同朋友傾吓密計，順便慶祝吓生日，就搵到呢間餐廳，有好多嘢真係貴精不貴多，好食嘅嘢幾款就夠啦，同埋食物誠意好緊要，睇吓啲擺盆就知道啦！【雪糕伴朱古力香蕉厚多士 $85】成個餐牌甜品唔多，呢一個係最矚目，由於我朋友生日我早啲去到現場，問一問個職員可唔可以幫我加枝蠟燭，佢當然話冇問題啦！然後我就話差唔多食完嘢我俾個眼神你麻煩你就拎出嚟啦！結果完美無瑕啲我朋友好開心好驚喜雖然係小小一枝蠟燭，但係你睇吓佢擺得幾靚，真係抵讚㗎！【炸雞翼雜果沙律 $88】大家鍾唔鍾意食雜果沙律呢？可能大家會諗起細個係話開大食會開罐罐頭雜果咁咪係囉！但係呢一個雜果沙律真係唔一樣㗎 ！因為中間加咗啲蘋果、蒟蒻、生菜、豆苗，當然最重要係有三隻雞翼，同埋好大碟，最後真係食唔晒，兩個女人仔真係搞唔掂啊，份量非常充足！推薦大家！【莫卡朱古力咖啡 $58】其實記得自己做咖啡屋咁基本功一定要有啦！咁你睇吓呢一倍朱古力咖啡嘅拉花，係有啲功架！我朋友都飲得津津有味，味道都濃郁，黃色咖啡杯襯出優雅氣質。【香辣虎蝦海鮮意粉 $158】叫得虎蝦海鮮意粉嗰隻蝦真係好大隻，但係啲青口都好大隻，同埋真
$150
22 瀏覽
0 讚好
0 留言
【雪糕伴朱古力香蕉厚多士 $85】
成個餐牌甜品唔多，呢一個係最矚目，由於我朋友生日我早啲去到現場，問一問個職員可唔可以幫我加枝蠟燭，佢當然話冇問題啦！然後我就話差唔多食完嘢我俾個眼神你麻煩你就拎出嚟啦！結果完美無瑕啲我朋友好開心好驚喜雖然係小小一枝蠟燭，但係你睇吓佢擺得幾靚，真係抵讚㗎！
【炸雞翼雜果沙律 $88】大家鍾唔鍾意食雜果沙律呢？可能大家會諗起細個係話開大食會開罐罐頭雜果咁咪係囉！但係呢一個雜果沙律真係唔一樣㗎 ！因為中間加咗啲蘋果、蒟蒻、生菜、豆苗，當然最重要係有三隻雞翼，同埋好大碟，最後真係食唔晒，兩個女人仔真係搞唔掂啊，份量非常充足！推薦大家！
【莫卡朱古力咖啡 $58】
其實記得自己做咖啡屋咁基本功一定要有啦！咁你睇吓呢一倍朱古力咖啡嘅拉花，係有啲功架！我朋友都飲得津津有味，味道都濃郁，黃色咖啡杯襯出優雅氣質。
【香辣虎蝦海鮮意粉 $158】
叫得虎蝦海鮮意粉嗰隻蝦真係好大隻，但係啲青口都好大隻，同埋真係有一個水平嘅辣度，意粉軟硬適中，裏面嘅洋蔥、磨菇配搭得好好，而且個份量真係幾多下，最後都係食唔晒要打包！
【八寶美顏花茶 $68】
當你諗住去一個地方，唔係好急咁樣食嘢，諗住傾吓計，梗係叫壺茶飲下啦！呢壺養生茶越坐得耐越好飲，裏面有杞子、紅棗、桂花、玫瑰花、茉莉花，飲完個人好舒服㗎呢，有去水腫同補血功效。咁有時飲飲下可以加水，枝蠟燭幫你保持壺茶溫度，咁啱呢日天氣凍凍地真係最好不過。
環境來講麻雀雖小五藏俱全，坐都坐得幾舒適，不過廚房煮嘢食難免都有少少油煙味，不過所有嘢都冇話咁完美㗎啦，不過唔影響呢間餐廳嘅觀感嘅！
成個餐牌影晒俾你睇啊！咁你可以睇吓價錢自己想唔想嚟食啦，喺旺角呢個價錢可以坐到幾耐嘅樓上餐廳我真係真心推介，同埋而家飲食業咁艱難，大家又有消費券，咪出嚟消費下支持下呢啲小店啦！分享係咁多！祝福大家都身體健康！平平安安！
張貼
