阿來泰式地道風味

營業中

休息中

啱啱放寬堂食冇幾耐，已經好掛住泰國菜的味道，所以趁着喺旺角行吓行街期間，就食咗呢一間叫阿來泰式嘅泰國菜。一睇Menu發覺好多嘢都好想食，但係你知道泰國嘢真係好多款又大份，但係自己個胃就好細，所以要揀一啲好想食嘅嘢嚟食。第一樣要揀嘅就梗係泰式炸蝦餅啦，呢度嘅蝦餅都好新鮮下，配合埋個泰式辣椒醬，成個味道都好夾，炸完出嚟嘅蝦餅唔太粉，都好有蝦嘅味道，不錯。第二個揀咗嘅就係呢一個辣椒蝦膏海鮮炒飯，呢一個真係好好食呀，我覺得唔太辣，裏面有好多海鮮啦，有蝦啦有蟹柳啦有魷魚又有蠔，分量都好大份。第三嘅就梗係試吓佢嘅咖喱，今次揀咗咖喱炒大蜆，一個都好好食，啲咖喱不太辣，好啱一啲食唔到辣嘅人食，蜆都好大隻。跟住就係呢一個咖喱魷魚肉碎，個份量好大，個青咖喱好好食，咁樣整嘅魷魚一啲都唔un ，兩個人食都食唔晒。嘢飲就揀咗呢一個泰式咖啡，好好飲啊，好有泰國嘅味道，不過就有啲甜，但係泰國嘢不嬲都甜㗎啦，間唔中飲一杯都OK嘅。甜品就一定係食泰式椰汁糕，呢一個糕都係正常嘅水準，飯後食完好滿足。