四寶食堂 (已搬遷) 新店位置

如果將呢間新四寶同舊四寶相比，最值得欣賞既一定係裝修同高水準早餐。呢一頭最多人食既茶記真係要數四寶同半島，其他既質素都麻麻地，連鎖既大快活更加係令人好失望。講番呢間新四寶，呢一個沙嗲牛肉麵餐真係無得頂！點解咁令人印象深刻？全因為佢既奶油脆豬！呢間既奶油脆豬係我食過咁多間之中既number 1，真正做到鬆化香脆，而且奶油份量恰到好處，唔會太多太甜但又唔會太孤寒唔夠味，所以黎食野，緊記要試脆豬！另外沙嗲牛既味道都同一般茶餐廳唔一樣，呢間既味道偏帶咖哩味，我自己就幾鐘意。