影片
更多
2023-03-25
147 瀏覽
杣．YASHIMA係中環九如坊嘅高級日式料理店，店舖由日藉主廚高橋先生主理！餐廳環境優雅舒適，柔和嘅日光經閣樓滲入室內，個mood特別靚！Lunch omakase set $1,380炸毛蟹餅伴小青椒、魚子醬同埋忌廉汁，係外脆內綿嘅口感！鮑魚、海膽配土佐啫喱，酸酸地幾開胃！芝士焗蘋果，入面有好多蝦肉同埋帶子，上高再加啲三文魚籽，鮮味同埋果甜均突出！ 刺身：手釣真鯒魚配辣蘿蔔蓉、蘿蔔蓉、芽蔥，魚肉爽食，味道清甜！龍蝦刺身伴海膽汁、鮮山葵絲，龍蝦肉晶凝通透，滲出啖啖嘅鮮味！和食：豆腐拌菜花，切碎咗好似沙律咁，豆甜加菜甜令人驚喜！燒春筍聞落去都真係幾香，入口多汁！炙燒太刀魚卷住蝦肉，蝦甜加埋魚油嘅組合好滿足！壽司：日本墨魚配海鹽、青桔汁，墨魚先切成透光嘅薄片，再切成幼絲，輕輕一嚼，墨魚嘅鮮甜味已充滿口腔！宮城縣手釣池魚配芽蔥、薑蓉，魚肉細嫩美味，仲帶點油香！赤貝屬巨型嘅size，拍一拍就收縮，好新鮮！車海老配炸蛋黃碎，炸蛋黃碎就好似蝦膏咁，增添咸香嘅風味！火炙赤鯥，燒出咗極豐富嘅魚油，魚油滲晒落飯粒，正！大拖羅來自野生嘅吞拿魚，放入口就化開，整個口腔都充滿大拖羅嘅油脂甘香，令人愉悅！醬油漬
杣．YASHIMA係中環九如坊嘅高級日式料理店，店舖由日藉主廚高橋先生主理！餐廳環境優雅舒適，柔和嘅日光經閣樓滲入室內，個mood特別靚！
Lunch omakase set $1,380
炸毛蟹餅伴小青椒、魚子醬同埋忌廉汁，係外脆內綿嘅口感！鮑魚、海膽配土佐啫喱，酸酸地幾開胃！
芝士焗蘋果，入面有好多蝦肉同埋帶子，上高再加啲三文魚籽，鮮味同埋果甜均突出！
刺身：
手釣真鯒魚配辣蘿蔔蓉、蘿蔔蓉、芽蔥，魚肉爽食，味道清甜！
龍蝦刺身伴海膽汁、鮮山葵絲，龍蝦肉晶凝通透，滲出啖啖嘅鮮味！
和食：
豆腐拌菜花，切碎咗好似沙律咁，豆甜加菜甜令人驚喜！燒春筍聞落去都真係幾香，入口多汁！
炙燒太刀魚卷住蝦肉，蝦甜加埋魚油嘅組合好滿足！
壽司：日本墨魚配海鹽、青桔汁，墨魚先切成透光嘅薄片，再切成幼絲，輕輕一嚼，墨魚嘅鮮甜味已充滿口腔！
宮城縣手釣池魚配芽蔥、薑蓉，魚肉細嫩美味，仲帶點油香！
赤貝屬巨型嘅size，拍一拍就收縮，好新鮮！
車海老配炸蛋黃碎，炸蛋黃碎就好似蝦膏咁，增添咸香嘅風味！
火炙赤鯥，燒出咗極豐富嘅魚油，魚油滲晒落飯粒，正！
大拖羅來自野生嘅吞拿魚，放入口就化開，整個口腔都充滿大拖羅嘅油脂甘香，令人愉悅！
醬油漬赤身配柚子皮，醬油令赤身嘅鮮甜更加突出，而柚子皮起了解膩提鮮嘅作用！
江戶前玉子燒嘅好鬆軟，蛋香而都好出，入面仲有少少來自海鮮嘅鮮甜味！
湯品：
赤味噌海鮮湯熱辣辣咁上，入面仲有好多魚肉，特別鮮味！甜品：
山梨縣貴陽梨，日本嘅水果出名腍甜多汁！熱茶
張貼
