味道樂居酒屋 (河內道) (已結業)

今晚同朋友來個即興gathering，嚟到地鐵站出口步行1分鐘唔洗的路程，就見到呢間居酒屋。餐廳地方唔算大，座位亦較窄，但裝飾別緻，什有一番日系風。下單是掃二維碼QRcode落單，下單後大約10分鐘已經上枱。首先叫了牛肉壽喜燒，材料豐富，有牛肉、雞蛋、豆腐、粉絲等材料。牛肉份量多亦唔鞋，娃娃菜入味！鍋下面有火一路煮，食完暖笠笠。等待的時候叫了三文魚刺身，有三塊，每塊也是厚身！脆炸軟殼蟹反卷，軟殼蟹炸得脆身不油膩，食的時候還食到炸卜卜，最有驚喜是面頭鋪上滿滿的蟹籽！石鍋鰻魚炒飯，每啖飯也食到鮮明的鰻魚肉，炒飯夠鑊氣炒到粒粒分明！