丸十あぶり牧場 (已結業)

好耐無黎新世紀廣場，估唔到呢度多咗咁多野食，開左咁多新餐廳！原本以為呢間丸十係同朗豪坊分店一樣，但睇睇下，好似又有d唔同喎！主要係門口有大大個精肉凍櫃，擺滿好多靚和牛好彩我地六點左右就黎到餐廳，變相可以坐卡位，有自己既一角私人空間，坐得好舒服順帶一提，見到有好多有心思既小擺設，例如三隻雞豬牛，好似去咗日本果d小店咁呀！同埋見到d小擺設無封塵，周圍都抹得好乾淨，完全做到日式餐廳既首要條件！睇下個餐牌，原來唔止燒肉，仲有飯，又有刺身，都幾豐富！如果有埋甜品就好啦，不過d肉分哂部位，望落真係好吸引今晚叫左二人餐，碟肉黎到已經分好部位，有個牌仔寫住，打卡一流！肉既質素唔使講，真係好得，對住得個價錢！刺身方面，都幾新鮮！另外仲加左個牛舌飯，呢個飯不得了！一定要食！牛舌算幾厚，另外份量好多！超出預期！總括黎講，呢間餐廳可以再食！