黑木亭居酒屋 (金馬倫道)

今日我哋又去食日本，今次呢就係同老公去食因為佢放咗工之後突然之間話好想食日本嘢咁又係因為我哋距離上次去東京都真係相隔咗大概係三個月，所以都真係好想念啲日本嘢。石板a5宮崎和牛厚切一上枱就見到啲乾冰噴出嚟嘅煙，好大陣仗和牛已經厚切，舖喺熱辣辣嘅石板上面見到啲油花分佈得好均勻，原來係a5宮崎和牛肉質鮮嫩，口腔裏面都仲有啲油花嘅香味炸蔥吞拿魚蓉安康魚肝卷一共有四件，吞拿魚蓉好新鮮，上面仲有啲炸蔥食落去好有口感，安康魚肝油脂甘香，食落去好粉，仲有壽司飯拌住嚟食都好特別脆燒豆腐豆腐外脆內軟，豆腐質感有啲似臭豆腐，但係食落去係香口嘅，豆腐上面仲有木魚花絮雞翼串燒配武士辣醬雞翼一串有兩隻，雞翼上面鋪上一層武士辣醬，屬於小辣可以接受得到嘅，雞翼串燒燒得好有火候雞皮香脆，而且啲雞肉亦都唔會話好柴皮。蜜桃烏龍熊茶食咗咁多肉類咁梗係要有返啲飲品啦！好多人都叫咗蜜桃烏龍熊菜，因為上面嚿冰有一個熊仔嘅造型的冰塊，打卡就最啱。蜜桃充滿果味，好夾烏龍嘅濃郁茶香。北海道士多啤梨牛乳乳酸呢杯乳酸飲品粉紅色，好啱女仔飲，乳酸仲係北海道牛奶，仲有士多啤梨乾都酸酸甜甜，好好飲。