影片
更多
2022-05-19
64 瀏覽
日本嘢永遠都係香港人嘅Comfort Food！ 大家因為疫情困喺香港咁耐，一直都無機會返下鄉下🇯🇵 🥹不過唔緊要，香港都仲有好多日本好嘢食！！！焱丸水產位置有啲偏僻，要行到盡頭先會見到，但舖面都好有日本Feel，好搶眼！店內猶如日本居酒屋，燈光昏黃，位置闊落，同三五知己坐低Chill都唔錯～🦀️蟹味噌甲羅燒 + 黑松露蟹肉甲羅燒每次喺Menu見到呢一道菜，都會忍唔住叫～蟹籽，白蔥，青瓜絲配上蟹膏，口感相當豐富！經過磯燒後，蟹膏仍然保留住滑溜且飽滿嘅口感，但又散發出陣陣香味，幸福感滿滿～黑松露份量好多，經攪拌後香氣同味道都覆蓋曬原本蟹膏嘅鮮甜，個人都係鍾意原味多啲！鮑魚殼燒 店家原隻鮑魚上，仲喺我哋眼前郁下郁下，超新鮮！！燒完之後咩醬汁都唔需要落，原汁原味～溫泉蛋天婦羅🍤一直都未試過，估唔到都幾有驚喜，流心蛋外脆內軟～岩手縣生蠔🦪係成隻手咁大嘅生蠔！！！ 超級鮮甜，飽美，肥美～ 成個口腔都被佢包圍住嘅感覺太正😚😚😚刺身5盛刺身又係必食嘅～睇到啲色澤都知佢哋有幾新鮮，每件都切得厚身， 啖啖肉～特選壽司盛因為怕唔夠飽嘅關係，仲叫咗個午餐Set！賣相得體，份量又多。茶碗蒸同麵豉湯作為套餐標配，
焱丸水產位置有啲偏僻，要行到盡頭先會見到，但舖面都好有日本Feel，好搶眼！
店內猶如日本居酒屋，燈光昏黃，位置闊落，同三五知己坐低Chill都唔錯～
🦀️蟹味噌甲羅燒 + 黑松露蟹肉甲羅燒
每次喺Menu見到呢一道菜，都會忍唔住叫～蟹籽，白蔥，青瓜絲配上蟹膏，口感相當豐富！
經過磯燒後，蟹膏仍然保留住滑溜且飽滿嘅口感，但又散發出陣陣香味，幸福感滿滿～
黑松露份量好多，經攪拌後香氣同味道都覆蓋曬原本蟹膏嘅鮮甜，個人都係鍾意原味多啲！
鮑魚殼燒
店家原隻鮑魚上，仲喺我哋眼前郁下郁下，超新鮮！！
燒完之後咩醬汁都唔需要落，原汁原味～
溫泉蛋天婦羅🍤
一直都未試過，估唔到都幾有驚喜，流心蛋外脆內軟～
岩手縣生蠔🦪
係成隻手咁大嘅生蠔！！！ 超級鮮甜，飽美，肥美～ 成個口腔都被佢包圍住嘅感覺太正😚😚😚
刺身5盛
刺身又係必食嘅～睇到啲色澤都知佢哋有幾新鮮，每件都切得厚身， 啖啖肉～
特選壽司盛
因為怕唔夠飽嘅關係，仲叫咗個午餐Set！賣相得體，份量又多。茶碗蒸同麵豉湯作為套餐標配，畫龍點睛！
Btw佢哋嘅水果梳打都正，菠蘿梳打甚至有原條菠蘿～夠曬Fresh啊
張貼
