日本野 (已結業)

秋風起又係轉季既日子，梗係要去旺角買下衫。shopping完就黎左銀城搵食，朋友想食石燒牛於是上左呢間日本野度食日本野~石燒霜降牛小排之前食過吉列牛覺得幾高質，但朋友話唔想食吉列於是就叫左石燒霜降牛小排。侍應擺低個石爐點火，就可以自己以自己鍾意既生熟度去燒~霜降牛小排望落比吉列牛更加新鮮，紅卜卜肥瘦分明，我比較鍾意食熟D，但缺點係肉質會較韌，不過呢個霜降牛小排質數唔錯，熟哂都可以咬得開，而且牛味好濃，嫌吉列牛肥既可試下呢個~一定唔會失望!加$28有昆布湯、日本米飯同溫泉蛋，呢個價錢都冇理由唔加~溫泉蛋和風牛肉丼今晚同D牛有仇，叫既都係牛肉~XD呢個溫泉蛋和風牛肉丼好大碗，牛肉份量超多，溫泉蛋穩妥地置於飯面，將佢吉穿，蛋汁流到飯入面撈勻食真係好正! 牛肉燒得好香，平時食牛肉丼好怕d飯好淋，呢度既飯粒粒分明，完全match到我心目中既水準~ 和風柚子雞翼另外加$58有和風柚子雞翼，之前食過甜甜地好好味，雞翼炸得好脆，小朋友都一定鍾意食，係屋企真係唔識整! 心太軟伴雪糕最後甜品叫左心太軟伴雪糕，雪糕係牛奶口味，奶感重，心太軟切落去既朱古力流心個人認為係冇女仔可以抗拒既!