日本野 (已結業)

今日出街走走，見太耐無食過日本野，加上近排無得去旅行，好掛住之前喺日本食過嘅石燒牛！甘就同寶寶講不如去食日本野，佢喺甘問去邊間食，我答日本野囉，佢又問即係邊間🤣我地係去旺角銀城9樓"日本野"食日本野！餐廳好日本風，同隔離西餐廳成好強烈對比。餐廳寬敞光猛，坐得舒適。我地兩個人叫左刺身盤、石燒吉列霜降牛小排、火炙帆立貝同梳乎厘。 刺身盤好豐富有三文魚、油甘魚、牡丹蝦、赤貝、帆立貝、海膽。件件新鮮，塊塊都大大件😋我最期待既石燒吉列霜降牛小排終於嚟到！店員先上塊熱石，再嚟牛小排，賣相非常吸睛！我地加$28 轉做套餐，有昆布湯，溏心蛋同飯。先用上少塊脂肪塗上熱石面，再放牛小排，自由控制生熟度。牛小排脂肪分佈平均，牛香，配飯簡直一流。梳乎厘比我想像中份量多，蛋香濃厚，軟綿綿香噴噴，再配上綠茶雪糕，食完後為今餐飯畫上左完美句號。