黑木亭居酒屋 (金馬倫道)

朋友來電話返工唔開心，想放工出嚟食嘢吐吓苦水，作為朋友兩肋插刀，揀咗尖沙咀黑木亭居酒屋，貪居酒屋環境清靜，可以同朋友暢所欲言。由於大家好早放工，又唔係太肚餓關係，只係點咗少少輕食。【流心芝士玉子燒】入口蛋味濃郁香甜，而且有嫩滑口感，配上流心芝士，食落口感豐富。【牛油芝士鐵板帶子 】每一粒帶子充滿香濃芝士，配了雜菇一齊入口，令滋味更加大。【黑松露大拖羅蓉卷】必試招牌無敵卷，面層鋪上黑松露同拖羅蓉，價錢係少許貴，但真心好味。【鹽燒白鱔】白鱔脆皮烤得很香，皮下脂肪豐厚， 超水準。【鹽燒黑豚荔枝卷】用黑豚肉包住荔枝做串燒，味道很特別，肉質細嫩搭上荔枝清甜，無諗過可以咁配搭。【冰燒菠蘿】冰凍口感，好啱而家天氣咁熱。【明太子雞腿肉】雞肉烤得軟嫩好食，面層充滿明太子醬，食起嚟大滿足。【蜜桃烏龍熊茶】用蜜桃汁造成嘅熊仔冰放入烏龍茶，再加上乾玫瑰花，味道清而不甜好好飲。【北海道士多啤梨牛乳乳酸】賣相吸睛，士多啤梨果肉加上彩糖針，充滿口感。總括嚟講呢度食物好有特色，裝修又有日本風情，價錢合理，下次再嚟要試多啲款式。