麵屋一平安 (已結業)

實在凍得交關，好想食一碗熱辣辣嘅拉麵...一坐低就叫個拉麵set。有招牌熊本拉麵之餘亦有豬腩肉飯...坐响bar枱，十分地道，身旁盡是單身日本男仕上班一族。見佢哋揸住份日本報紙，呷住啤酒，真係有如置身九州拉麵舖入面...呷一口奶白色嘅豬骨湯底，並不是太濃。感覺跟北海道札幌嘅特濃豬骨湯底可謂各擅勝場...麵條尚算彈牙，有少許鹼味，但這是日本傳統拉麵嘅特有味道。若傳統廣東銀絲幼麵有如此鹼味，棄之絕不可惜...豬腩肥肉部份入口即化，瘦肉亦夠味道...喝一口熱咖啡，寒氣全消，全身暖笠笠^0^