僕之拉麵 (已結業)

呢兩日突然拉麵癮起，即興同朋友約出嚟滿足吓呢個小小嘅願望！放工時間嘅旺角，果然周圍都係人，我哋想搵間坐得舒舒服服嘅餐廳傾吓偈都唔係咁易😵‍💫好彩搵到呢間僕之拉麵！我哋7點零鐘去到，啱啱好啱使等位，不過之後好快就full house，見後來啲食客都要等位。我哋兩個都嗌咗特選拉麵，加多份炸雞開心share！ 😀特選拉麵特選拉麵有1.5倍份量嘅叉燒，仲有灸叉燒、紫菜、味荀、蔥等等嘅配料。今次揀咗豬骨清湯鹽味湯底，味道唔會太鹹，食完唔會話要係咁飲水解渴。特別提一提佢個灸叉燒，比起其他叉燒厚身，係豬腩嘅位置，所以脂肪相對較多，食落好香口，而且有口感👍🏻拉麵麵底同好多拉麵店一樣，可以揀堅靭程度，不過我哋都冇特別喜好，都係揀咗正常靭度，so far 都唔錯😀炸雞炸雞一份有四件，一人兩件過吓癮啱啱好！炸物最緊要熱辣辣，呢份炸雞就做到，而且炸得好脆口，不過唔會炸過龍，咬落去啲肉質都好juicy! 見到餐廳仲有其他拉麵，特別有一個「肉愛食者拉麵」，menu寫叉燒份量有三倍咁多！鍾意食肉嘅朋友下次可以挑戰下🤤