日本野 (已結業)

打卡近排好hit嘅日本野。想食最好book定位先，唔係七點去到要等位。夜晚都有dinner set，選擇都幾多，有定食同丼飯，仲有魚生飯。我哋揀咗照燒雞扒同石燒牛定食，包沙律、湯、嘢飲，同埋溫泉蛋或者流心蛋，仲可以加小食，有我最愛嘅日本芝士同埋玉子鰻魚燒🤩雞扒好大塊，燒得幾香，冇點落調味料，主要靠照燒汁提味。飯嘅份量好多，我倒隻蛋落去，再加啲燒汁，撈勻食已經覺得好味。石燒牛可以揀吉列或者普通版，我哋怕熱氣所以揀咗普通版嘅，不過上嚟之後有啲後悔啦，好似人哋嘅吉列吸引啲🤣牛唔會好肥亦都唔會好韌，唔會好厚，燒一陣就食得。反而小食有驚喜，玉子鰻魚燒同日本芝士都好味😋一定一定要加小食呀🤣