影片
更多
2022-07-12
671 瀏覽
呢間鰻魚飯專門店係日本過江龍，過嚟香港即開咗3間分店，今次經過就順道過嚟試下，嘗試搵返昔日係名古屋人氣鰻魚飯店食過嘅味道同回憶🤪🤪餐廳門口會有個位置可以睇到廚房入面有人會間唔中係炭爐燒啲鰻魚🔥鰻魚飯三食🍱鰻魚飯會送埋麵豉湯同漬物，麵豉湯就稍鹹。呢度採用電話QR code落單，上菜速度幾快，不過餐牌或者店員上菜時都無提及鰻魚飯三食係點樣食法🤔對於第一次試呢種食法嘅人嚟講會有啲不知所措😅建議可以寫明或者上菜時介紹下。第一食係就咁食鰻魚飯本身，飯粒偏濕軟軟熟，醬汁鹹甜適中，鰻魚份量比較少，細細粒咁，口感都係偏軟身，冇咗燒鰻魚應有嘅炭燒香🤨第二食係落啲wasabi撈勻嚟食，wasabi唔會太辣，配鰻魚飯食又唔錯。第三食就係倒啲茶湯變成茶漬飯，不過茶湯鹹咗啲啲。雖則成個套餐$88唔駛加一價錢幾合理，不過如果可以有增量鰻魚版選擇的話會比較好，而家有啲唔夠喉😂😂人均消費：$90推介指數（10分為滿分）：6分
鰻魚飯三食🍱
鰻魚飯會送埋麵豉湯同漬物，麵豉湯就稍鹹。呢度採用電話QR code落單，上菜速度幾快，不過餐牌或者店員上菜時都無提及鰻魚飯三食係點樣食法🤔對於第一次試呢種食法嘅人嚟講會有啲不知所措😅建議可以寫明或者上菜時介紹下。第一食係就咁食鰻魚飯本身，飯粒偏濕軟軟熟，醬汁鹹甜適中，鰻魚份量比較少，細細粒咁，口感都係偏軟身，冇咗燒鰻魚應有嘅炭燒香🤨第二食係落啲wasabi撈勻嚟食，wasabi唔會太辣，配鰻魚飯食又唔錯。第三食就係倒啲茶湯變成茶漬飯，不過茶湯鹹咗啲啲。雖則成個套餐$88唔駛加一價錢幾合理，不過如果可以有增量鰻魚版選擇的話會比較好，而家有啲唔夠喉😂😂
人均消費：$90
推介指數（10分為滿分）：6分
張貼
