俺の割烹 (已易手) 新餐廳

昨晚和公司同事食年夜飯，去咗間新開的日本野，在中環LKF, 在一座新大厦，所以唔係好多人識。上到去，環境有D日本feel, 又時尚，酒吧design幾特別，坐落都幾舒服。唔講咁多，食野先。先整杯Sweet&spicy飮吓，有D薑味，幾開胃。然後食咗兩個前菜，海鮮沙律和輕煮龍虾配山葵啫喱。 這個龍吓幾得意，少少生少少熟，配山葵啫喱食，有D似日本菜加法國菜。跟住到什錦刺身，都好新鮮，切的厚度啱啱好，有口感。繼續食魚，一個西京燒，有三文魚和雪魚。終於食紅肉了，今餐最正嘅A5牛柳配鵝肝，牛柳煎得啱啱好，加埋個汁超好味，個汁好特別，之前未食過，一定要試吓。牛牛牛，仲意食牛嘅我，當然唔只一樣牛啦。傳統少少的Shabu Shabu.塊牛擺入口唔夠十秒就溶咗，太正呀！然後到炸物，熱辣辣，外脆內軟，不過唔記得叫咩名。最後食了個甜品做結尾，焦糖雪糕，初頭以為焦糖會好甜，笫一啖食落去，嘩！唔算甜，但焦糖的味唔單只充滿在口腔，而且個鼻也隱約聞到焦糖的香味，好優香，又唔會太搶，一流。整體質數好好，幾個人來食，可以叫多D款式share,價錢都幾底。