築地日本料理 (金百利廣場)

營業中

休息中

午餐過到嚟銅鑼灣搵個朋友食飯，就約咗喺金百利呢一座好多食肆嘅大廈度揀咗一間名叫築地嘅日本餐廳🇯🇵😃。我哋兩個都係好細食嘅女仔，所以決定叫一個主食同埋幾個小食嚟分享🥰Main dish 我哋揀咗滑蛋豬扒飯，見個menu 上面張相幾靚，就試下。果然冇失望，個豬扒外脆內軟，肉質鮮嫩❤️配買雞蛋同埋啲汁送飯🍚🤩太好食😋燒牛脷，有意外驚喜，估唔到個全燒都笑得幾好味而且都幾抵呀😎清酒煮蜆呢冇諗過係會用呢啲你好傳熱嘅石鍋兜上😃😆，佢真係新鮮滾熱辣，出晒煙出晒bubbles 🤣👏🏼👍🏼，個顯呢好新鮮而且都幾大粒，加埋清酒好正啊，仲有呢佢呢個鍋呢入邊係有啲菜嘅，清清地又夠暖胃🥰最後仲有一個串燒係鹽燒帆立貝，呢個就普普通通，不過不失，中規中矩嘅串燒囉。價錢方便算合理，而且午餐來講，呢餐嘅份量就夠㗎啦。