橫綱

營業中

休息中

次次經過#油麻地，呢間#拉麵 店叫“橫綱”，門口永遠有班忠實粉絲等位，今晚趁住跑完步落去試下有幾好味。拎咗籌，成九點半門口有成十幾個人等，大概等左8個字左右, 有位啦，雖然小店面積唔算大，座位都算多，細細地既bar台坐到8個人，有幾張4人枱，連卡位都有得坐，日式裝修嚟講算幾精緻。 拉麵有幾款湯底俾你㨂，分別係醬油，麵豉，辣味及鹽味，至於麵可以要求軟或硬，除咗拉麵，仲有幾款定食㨂。圖中就係麵豉味叉燒拉麵(左)$79，有4至5塊#叉燒 ，件件都幾厚，仲有粟米芽菜做配料。而右邊係魚豚骨拉麵$79，湯入面舊豚肉好正，廚師係您面前即場燒，聞到好香, 個湯底先係精華，充滿著木魚既鮮味，好香濃。 兩款拉麵湯底很濃，食慣濃味野既朋友要去試下啦。