溏串小町 (已結業)

今日專程去左大埔既溏串小町午餐，係門口已經感受到濃厚既日本風，入到去直程會以為自己去左日本既小店。落單非常先進，用自己電話scan QR code 就可以入到落單頁面，唔洗下下等侍應埋黎先叫到野食，相當方便！(店內亦有小量傳統menu 提供) 由於樣樣都想試所以今次叫左好多野食兒童餐: 有日式迷你飯團🍙，迷你烏冬，炸雞配香腸，茶碗蒸蛋，提子啫喱，蘋果汁！大人食其實都會飽燒一夜干定食: 非常大條，燒得好香口，配上檸檬汁好開胃，重要係唔多骨，啖啖肉，岩哂鐘意食魚又好憎有骨既我鰻魚定食: 燒得岩岩好，面有陣陣焦香味，魚肉好滑，唔覺有骨，鰻魚汁亦都好夠味，不知不覺已經食哂成碗飯。所有定食都配有茶碗蒸蛋，麵豉湯，沙律同甜品！如果細食既話2個人share一個餐都夠食蟹肉忌廉薯餅: 外脆內軟，咬開之後流出大量忌廉薯蓉，蟹味香濃水牛芝士條: 外層炸皮好薄，咬開有大量拉絲芝士，芝士控不能錯過！柚子蘋果梳打: 同食物份量相比略嫌細杯，不過唔會太甜，清新柚子味，十分解膩