古今二 (荃新天地)

營業中

休息中

好耐冇同隊友黎荃灣食野，所以今日去左荃灣買野加食晏，就黎左呢間古今二食日本野，呢度地方細細，不過都幾企理，仲都多選擇，要特別一提既係佢地出名既特色卷物，同改啲名都好得意。我地叫左個沙律，兩個卷物，串燒同天婦羅。龍捲風沙律-超大碗，入面有蟹子，蟹柳絲，中華沙律，生菜同脆片。勁蟹蟹柳，咬落清新爽口。綠野仙蹤-上面有芒果碎，然後飯卷包住八爪魚，蘋果，蟹柳同牛油果。東京爆脆-入面有吞拿魚同蟹柳，蟹柳炸過再用飯包住然後再火炙過，香脆又有微微焦香。照燒雞肉串燒-一共有四串，好抵食，雞肉淋滑。迷你甜薯天婦羅-甜薯好脆內軟，好似食緊脆既甜品咁，好得意。