令和鍋物酒場

營業中

休息中

喺香港想去間有氣氛既日式居酒屋，尖沙咀分店既令和鍋物酒場都係一個唔錯既選擇！呢度坐得舒服，食物選擇夠晒多元化，仲有唔同既酒類飲品，啱晒同朋友gathering把酒言歡。叫左杯梅酒，質素唔錯，入口梅香濃郁，感覺清爽。黎到呢度點少得叫個鍋物食下。壽喜燒好好味呀！可以自選唔同產地和牛，而個鍋本身係包含一份野菜豆腐盤。揀左M7澳洲和牛已經好滿意，牛肉既肉味突出，而壽喜燒個湯汁甜甜地，配搭埋生雞蛋液口感滑溜！石板燒澳洲M6和牛呢款就更加油脂更豐富，肉質更厚更嫩更juicy。除左牛肉之外，清酒生蠔亦係必點。生蠔每一隻都好厚身好大隻，浸落清酒到食別有一番風味！北海道海鮮最中盒好有創意！最中餅通常都係甜品，佢呢個配上唔同既魚生，例如帶子、吞拿魚蓉、三文魚籽一齊食口感豐富，鮮味十足。炭燒鰹魚同炙燒左口魚邊都好肥美，性價比高。小食方面牛肉可樂餅唔錯！炸得外脆內軟，薯蓉綿密，牛肉粒增添肉味。芝麻雞翼脆口又惹味，配酒良物。蒲燒鰻魚炒飯有超厚身鰻魚鋪面，鰻魚肉質彈牙爽口，炒飯亦唔會炒得太濕。