影片
開飯介紹
位於尖沙咀的日本居酒屋，店內有可愛的貓貓牆畫作裝飾。餐廳主打特色日式料理，提供超過100款清酒梅酒，並有多款新鮮即製串燒，日式特色火鍋及鍋物。
繼續閱讀
營業時間
今日營業
17:00 - 02:00
星期一至日
17:00 - 02:00
公眾假期
17:00 - 02:00
公眾假期前夕
17:00 - 02:00
以上資料只供參考, 請與餐廳確認詳情
有關獎賞計劃
同朋友想嚟好耐，今次終於食到。一入到去要上樓梯先到餐廳，成個風格已經非常有feel，入門仲會有staff擊鼓歡迎😂；餐廳內部都比想像中日式，非常有中高級居酒屋嘅感覺。食物種類非常多，不過最深刻嘅係吞拿魚拼盤，雖然少少貴，不過質素絕對對得住三色拖羅 💜💜💜💜💜 $218大推，雖然二百蚊六件，不過質素非常好，完全對得住個價，好食嘅程度想即刻叫多碟櫻花蝦柚子味增飯團 💜💜💜 $28食唔慣個醬少少奇怪😂不過係用心整嘅醬油燒飯團 💜💜💜💜 $28原味好食好多😂日本黑毛和牛鍋燒烏冬 💜💜💜💜💜 $98和牛有質素，$98絕對唔貴，推薦串燒s 💜💜💜💜 $15起各式各樣串燒，香港嚟講價錢唔貴埋單每人$400左右，比預期多，不過滿意嘅，差啲就唔小心叫多碟拖羅食😂
繼續閱讀
夜晚收得太夜，本身約左個朋友去食飯，佢想食壽喜燒，網上搵到呢間，開到半夜2點，就決定去食。落完單，壽喜燒上，原來呢間係加醬汁，先燒牛肉食，之後先食火鍋，程序似食雞煲。埋單時，發現10點後8折，啤酒買一送一。店員好友善，上菜後有教點樣食呢個壽喜燒。牛肉好靚好好食！
繼續閱讀
新一年開年食好啲，去咗尖沙咀厚福街呢間❤️「令和鍋物酒埸」，餐廳好有日本地道居酒屋風味. 最正嘅係餐廳都幾多優惠，全日支裝清酒半價!! 7:00PM前埋單離座/10:00PM後入座：正價食品8折/生啤買一送一/每日三款指定火鍋半價!! 今次我哋食dinner七點前埋單有八折‼️⭐️奇異果乳酸梳打、菠蘿乳酸梳打果味濃郁加上乳酸酸酸甜甜，梳打透心涼，就算唔飲酒一樣有好嘢飲. ⭐️香蔥拖羅蓉配鍋巴片新鮮嘅拖羅蓉加上香蔥，連埋香脆鍋巴一啖咬落去，好清新開胃. ⭐️串燒鹽燒牛舌厚實幾爽口、柚子鹽黑豚肉串肉味香濃，鹽燒雞皮好香脆唔油膩大減邪惡感. 明太子厚油揚真係好厚身燒得好惹味，油揚控表示一流. ⭐️北海道花魚一夜干好大條魚視覺效果震撼，花魚肥大肉厚，滿滿魚油香營養價值高. 沾上醬汁、蘿蔔蓉、新鮮檸檬汁，更提升魚肉鮮味. ⭐️野菜天婦羅種類豐富、即叫即炸，炸得香口唔厚粉，食落仲保持原本嘅鮮甜味. 茄子、南瓜、粟米仔等仲好Juicy. ⭐️櫻花蝦柚子味噌燒飯團飯團係我至愛，簡簡單單配上櫻花蝦、柚子醬汁、醃蘿蔔酸酸甜甜已經好好味. ⭐️堂煮壽喜燒大大碟A4和牛肩胛可以先煎熟后沾上生雞蛋食. 之後店員會將蔬菜菇類等放入鍋內再倒上湯汁，冬天食暖笠笠正呀. 嘩，我哋食咁多嘢埋單都係人均$400左右. 食物平靚正多款式坐得又舒服，約朋友絕對不能錯過.
繼續閱讀
前排同朋友食飯，突然好想食壽喜燒🥩🫕，就揾左依間餐廳試下😝 餐廳每個座位有哂instructions教你點整壽喜燒，不過店員都好貼心，驚我地唔識整，都主動幫我地整😆 牛肉脂肪分布平均，入口即溶😍 另外餐廳menu都有好多串燒，小食可供選擇，我地覺得d串燒、燒芝士年糕同炸天婦羅都唔錯😝 整體食物質素都好高質，可以再黎😍😍🌟1️⃣堂煮壽喜燒🥩🫕日本A4黑毛和牛250g 配野菜豆腐盤🌟2️⃣萬能葱䐁肉串🌟3️⃣汁燒薩摩雞肉🌟4️⃣燒日本芝士年糕🌟5️⃣ 什錦天婦羅 🍤🌟6️⃣炸蕃薯條 🍠🍟
繼續閱讀
凍冰冰又冇得去日本⋯就決定同朋友嚟尖沙咀厚福街 食日本嘢🤤結果係有驚喜！🌼堂煮壽喜燒（先煎後湯）一直都好想試呢個關西風嘅壽喜燒，店員首先會幫忙炒熱個鍋，再煎香A4和牛，先再落壽喜燒汁，食落好有焦香味！最後加上新鮮蔬菜同配料，味道都好香濃！🌼北海道海鮮最中盒外層係用脆餅包住北海道帶子，海膽，吞拿魚蓉，魚子，配搭得唔錯！🌼令和海膽拿破崙呢個海膽拿破崙又係好靚，炸紫菜非常香脆，同海膽同吞拿魚蓉一齊食，仲有紫蘇花嘅味道，味道都幾夾🌼黑蜜柚子蟹肉章魚薄脆炸紫蘇葉上面有蟹肉同章魚片，配上黑麥柚子醬同埋金箔，都好有特色！🌼鹽焗牛舌好香嘅牛味，加上少量黑椒點綴，味道都唔錯！🌼磯煮鮑魚2本鮑魚煮得好腍，好入味，令人食唔停口😍而家餐廳仲做緊優惠：1️⃣全日支裝清酒半價!!2️⃣7:00PM前埋單離座/10:00PM後入座：正價食品8折/生啤買一送一/每日三款指定火鍋半價!!有興趣真係好值得一試❣️❣️
繼續閱讀