影片
更多
2016-04-30
497 瀏覽
今日女朋友突然間想食燒肉, 話佐敦有間唔錯, 就無啦啦由尖沙咀去左佐敦食飯因為係中午時段, 無咩人, 咁樣幾好, 平時食韓燒, 次次都係勁多人, 成場油煙, 嘈雜不休咁食燒肉今次中午食, 反而有種休閒既感覺。我選擇左鹽燒豬腩肉定食配九洲豬骨湯稻庭烏冬 ($78+$30)其他就女朋友發板，佢叫左個牛，同埋兩個海鮮share食。首先講下依間既服務，真係相當之唔錯，每一道菜佢都會親自過黎介紹下可以點燒係最好食因為唔係佢教... 我真係唔識燒成個爐咁大隻既蝦同勁大垃帆立貝 咁樣我地就能夠品嘗到每樣食材最好味既時刻, 唔會哂左佢我個盬燒豬腩肉帶出到既咸味幾好食, 特別係一入口果下, 個味道大約似燒肉咁咸咸地, 肉質唔係好淋好淋果D, 唔算超好食, 但個咸味好好(唔好以為上面D白色粒粒係未溶雪丫, 係滿滿既盬鋪左係上面)至於個烏冬, 就係一個稱職既九洲豬骨湯稻庭烏冬 哈哈 都無咩可以講, 反而個鳴門卷比平時果D好食, 口感好咬好多女朋友果個牛都痴兩舊黎食 果然係頂級牛小排，店員教完我地燒之後，我地每次都可以燒到外脆內軟, 入面仲有飽滿既肉汁, 牛味亦都好濃。燒法大約係，先燒一邊至整個牛肉面都出左血
因為係中午時段, 無咩人, 咁樣幾好, 平時食韓燒, 次次都係勁多人, 成場油煙, 嘈雜不休咁食燒肉今次中午食, 反而有種休閒既感覺。
我選擇左鹽燒豬腩肉定食配九洲豬骨湯稻庭烏冬 ($78+$30)
其他就女朋友發板，佢叫左個牛，同埋兩個海鮮share食。首先講下依間既服務，真係相當之唔錯，每一道菜佢都會親自過黎介紹下可以點燒係最好食
因為唔係佢教... 我真係唔識燒成個爐咁大隻既蝦同勁大垃帆立貝
咁樣我地就能夠品嘗到每樣食材最好味既時刻, 唔會哂左佢
我個盬燒豬腩肉帶出到既咸味幾好食, 特別係一入口果下, 個味道大約似燒肉咁咸咸地, 肉質唔係好淋好淋果D, 唔算超好食, 但個咸味好好
(唔好以為上面D白色粒粒係未溶雪丫, 係滿滿既盬鋪左係上面)
至於個烏冬, 就係一個稱職既九洲豬骨湯稻庭烏冬 哈哈 都無咩可以講, 反而個鳴門卷比平時果D好食, 口感好咬好多
女朋友果個牛都痴兩舊黎食 果然係頂級牛小排，店員教完我地燒之後，我地每次都可以燒到外脆內軟, 入面仲有飽滿既肉汁, 牛味亦都好濃。
燒法大約係，先燒一邊至整個牛肉面都出左血水，就可以反另一面，反完之後等原先果面都出左少少血水，咁就食得, 依個就係大約7成既燒法，保證外脆內軟！
巨切美國Prime頂級牛小排配蒸蛋、飯同麵豉湯 ($168 + $20)
隻蝦一上到台"嘩! 真係好大隻喎"
依個就係我同女朋友即時既反應
我成隻手掌就長7吋半, 佢仲大過我隻手!!!
特大緬甸虎蝦 $240/2隻
平時燒肉都要鋪5,6塊先鋪滿個爐, 佢一隻就己經成個爐咁長，可想而知係幾咁震撼!
本身師傅界開左一邊, 所以燒完兩邊之後就可以"企係度"燒埋個背隻，咁樣唔會個殼燒焦哂入面都未得。雖然我無影到，但個頭入面，除左有膏之外，係全部! 全部都係肉, 唔係平時所謂既大頭蝦，但係打開得D膏, 中間空既。虎蝦既肉質紮實又爽脆，非常好味!
最後帆立貝，唔係店員幫我地，一定浪費左佢店員話最好食其實係半生熟, 咁樣就唔會成隻都熟哂硬哂, 好似食緊乾瑤柱咁
燒法係首先放落去, 見到起到咁上下泡就可以反轉燒多陣, 用個夾壓下落去, 淋淋地，仲有D透明咁唔係變白哂就可以，依個有D難掌握，叫店員幫你啦，唔好哂左佢，佢地非常樂意的!
同埋果舊橙色既係帆立貝既生殖巢，雄性係橙色，雌性係白色既，都好好食架!
不過都有膽固醇，驚就忌口啦, 但佢唔係便便黎
帆立貝上面有牛油同黑松露蒜頭，半生熟食落好似刺身咁, 又有香烤既味道，非常好味! 唔知係咪蒜頭蓋左D味, 反而黑松露燒完後味道唔太濃。
北海道帆立貝 $44
依個突如其來既寧靜午餐相當滿足，感受到專業既服務之外，又長了知識，極力推薦!!
張貼
