牛繁 (MW Plaza) (已結業)

朋友唔見身份證，我同佢去報警，重新申請，今日到咗拎証嘅日子。我哋一早已經約咗喺尖沙咀拎，拎嘅時間唔係好耐，完成咗梗係要搵少少嘢食，朋友就推薦不如食燒肉，我地就路經咗今次呢一間。我哋都係諗住輕食，先點了厚切特上鹽香牛舌， 厚切都幾厚， 視覺上望落去， 成塊牛扒咁，不過就係圓形嘅形狀。另外還點了澳洲M9牛板腱，極上厚切和牛板腱排， 肥瘦均稱澳洲M9實在係名不虛傳。不過最重要都係食物嘅味道， 用料認真，自然味道唔會差 ，自己親手燒，食嘅唔係單單食味道，而係成個過程，一定要好好享受。係日本其實已經食過，不過當時係食放題形式，當然就係不停咁食，冇諗過香港轉咗形式，但係感覺依舊一樣。