板神鉄板燒日本料理 (信和廣場)

營業中

休息中

之前都有食過觀塘店既板神既鐵板燒，今晚屋企人生日就book左銅鑼灣店既壽司omakase。一入門口，裝修明顯比觀塘店高級唔少，燈光昏暗但感受到有種格調。銅鑼灣店十分之大，又分成幾個吧枱，分開鐵板燒，酒吧同壽司吧，而我地今次食既係日本師傅負責既壽司吧，order左個$1600既omakase set。佢上既刺身同壽司加埋都有10幾款，仲會有蝦頭味僧湯，日本蜜瓜同雪糕食，食完成個set都好滿足同飽。比較出色既我會覺得係海膽，大拖羅，貝類刺身同埋牡丹蝦。師傅十分乾淨企理，環境十分之舒適，作為慶祝生日既地方都算滿意。我覺得板神既壽司吧比鐵板燒更為出色。