影片
更多
2024-11-12
53 瀏覽
今個聖誕節唔返家鄉，所以亦都喺11月呢段時間仔細地搜尋香港嘅地道日本菜式！✨梵精選 《8串》• 梵師傅精選《10串》當你成日都十五十六，唔知揀咩串燒好唔使擔心，因為呢一間小店嘅串燒都有阿媽家姐！師傅真係會揀最時令最當造嘅食材，更重要嘅係佢嘅性價比絕對比單點來得便宜。✨柚子醬雞胸肉、雞翼、雞腎、雞髀、雞頸肉、九州免治雞肉棒、青椒、香菇餐廳所用嘅雞肉全部都係來自日本嘅一個自家農場，雞胸肉同埋雞肝都會主張燒至一個半生熟嘅效果，食落真係與別不同，特別嘅香嫩！一般人可能會比較擔心雞味嘅顫味，但係師傅處理得非常恰當；免治雞肉棒口感真係好正，軟骨嘅爽口加上多汁juicy嘅免治豬肉，完全唔需要蛋汁都好好食！師傅精選嘅套餐就會多咗豬、牛、鰻魚嘅款式；特別推介佢嘅鰻魚真係肥美得來火炙得剛剛好；另外亦都有三揀一嘅主食：包括燒飯團、雞湯素麵、迷你滑蛋雞肉飯～一踏入秋冬，一碗暖湯來得合適，湯底用咗雞骨去熬製，麵條相對幼身，但係非常彈口；燒飯團雖然冇任何嘅餡料，但係飯焦嘅香氣以及香甜嘅醬汁都係令人難以忘懷！甜品亦都有三款雪糕可以選，比較特別係有焙茶同埋藍莓芝士，剛好用嚟清一清口腔～📣如果你點選套餐，前菜已經跟配咗
今個聖誕節唔返家鄉，所以亦都喺11月呢段時間仔細地搜尋香港嘅地道日本菜式！
✨梵精選 《8串》• 梵師傅精選《10串》
當你成日都十五十六，唔知揀咩串燒好唔使擔心，因為呢一間小店嘅串燒都有阿媽家姐！師傅真係會揀最時令最當造嘅食材，更重要嘅係佢嘅性價比絕對比單點來得便宜。
✨柚子醬雞胸肉、雞翼、雞腎、雞髀、雞頸肉、九州免治雞肉棒、青椒、香菇
餐廳所用嘅雞肉全部都係來自日本嘅一個自家農場，雞胸肉同埋雞肝都會主張燒至一個半生熟嘅效果，食落真係與別不同，特別嘅香嫩！一般人可能會比較擔心雞味嘅顫味，但係師傅處理得非常恰當；免治雞肉棒口感真係好正，軟骨嘅爽口加上多汁juicy嘅免治豬肉，完全唔需要蛋汁都好好食！
師傅精選嘅套餐就會多咗豬、牛、鰻魚嘅款式；特別推介佢嘅鰻魚真係肥美得來火炙得剛剛好；另外亦都有三揀一嘅主食：包括燒飯團、雞湯素麵、迷你滑蛋雞肉飯～一踏入秋冬，一碗暖湯來得合適，湯底用咗雞骨去熬製，麵條相對幼身，但係非常彈口；燒飯團雖然冇任何嘅餡料，但係飯焦嘅香氣以及香甜嘅醬汁都係令人難以忘懷！
甜品亦都有三款雪糕可以選，比較特別係有焙茶同埋藍莓芝士，剛好用嚟清一清口腔～
📣如果你點選套餐，前菜已經跟配咗，否則每位需要則收$40嘅前菜費用。
💡 另外如果你有任何唔食嘅食材，都可以同師傅配合一下！
張貼
