5019 Premium Factory (嘉咸街) (已結業)

講到中環蘇豪區有啲咩特色餐廳好好味？噉大家就要嚟試下呢間嚟自日本高知縣嘅餐廳喇！呢間位於中環soho區嘅日本餐廳, 又中環半山自動扶手電梯沿路上落扶手電梯後行大約五分鐘左右就到, 由於依間餐廳唔係位於市區人煙稠密嘅地方, 所以私隱度較高... 咁啱我同好友今日系中環做嘢, 收咗工就去到附近呢間別具特色嘅餐廳, 所以就入去試一試呢間傳聞會整好好味嘅食物店鋪試一趟！ 我哋坐系近Bar位嘅地方, 依個位置燈光足夠正是我依個對影相有要求嘅人影食物嘅一個有利位置...坐低後睇到有好多食物都好啱我口味, 我哋心大心細唔知叫咩好, 終於叫咗54號餐嘅"和牛炸玉米餅飯", 顧名思義當然有和牛啦！啲玉米餅又幾好味喎... 加上煙肉同埋秘製醬汁嘅沙律真係與眾不同, 食落真係回味無窮, 因為朋友中意食薯條關係所以叫咗個原味法國原裝入口薯仔整嘅薯條點埋啲茄汁都好好味, 另外仲叫咗個辣味嘅雞翼, 一碟四隻每人兩隻唔使爭hehe... 侍應哥哥仲介紹我哋一人飲一個菠菜湯, 望落去細細碗兼且有好濃郁嘅菠菜味, 但係飲落又好好味兼且好容易飽肚！😄有咁美味新鮮嘅食物當然要加杯飲品先至對得住自己, 所以我就叫咗杯紅莓乳酪