德美壽司 (新都城中心1期) (已結業)

相信好多人都聽過德美壽司～之前食過尖沙咀嘅分店，水準十分之高。咁啱今日去咗將軍澳拜年，見冇乜人排隊，就決定入去食晚飯。我同朋友兩個人叫咗一個壽司拼盤，一個炒飯同埋一個卷物。今次選擇咗價錢比較抵食嘅「美」拼盤，比起貴嗰個拼盤會少咗一啲高級食材，例如海膽、拖羅同牡丹蝦，但係價錢就會平好多。不過依個拼盤都好有驚喜啊，所有食材都非常新鮮，加上我哋有得坐吧枱，睇住師傅製作每件壽司，都是一種享受😆。吞拿魚茸炸蝦卷，凍冰冰嘅吞拿魚茸配上剛炸好嘅蝦，一冷一熱，口感好豐富。師傅也很用心地製作和裝飾，賣相已經好吸引啦😳！石鍋牛肉炒飯，炒飯嘅配料很足料，用石鍋上亦可以保持炒飯冇咁容易凍。味道好之餘份量仲好多添啊～最後餐廳亦有附上免費甜品，食我最愛嘅蕨餅+黃豆粉，很滿足😍整體餐廳水準都十分高，價錢亦合理，是單點壽司餐廳嘅好選擇。