影片
更多
2019-04-08
150 瀏覽
3月真係一個忙碌的日子, 繼3月忙碌既工作, 都完全冇時間有空閒出去食下飯, 終於忙完喇!! 可以放鬆一下放肆食下野. 花木已經幫襯過好幾次, 試過單點, 又食過佢地既蟹套餐, 今次book既時間都未知餐牌轉左, 今次已經唔係食蟹宴喇!! 轉左食鹿兒島和牛, 男朋友係個牛痴, 知道有和牛宴諗都冇諗就叫左呢個二人套餐了野食方面都幾多, 我覺得唔算好大食既絕對可以三人行叫呢個二人套餐外再叫其他小食/壽司都可以幫襯過幾次都係晚飯時間, 人客既質素都好高, 餐廳行和風設計, 好有日本餐廳既感覺, 而且客人都唔講講野好大聲, 對於中意靜下舒舒服服同朋友/情人食個日本餐呢度絕對係我首選!和牛宴 $1288 for two開始我仲覺得有d貴, 不過原來前幾道既set for two都係兩人份, 一人一碟. 先黎左一個賣相好吸睛既前菜! 流心玉子蛋再加上鹿兒島和牛他他, 紫蘇葉, 牛油果 & 米通底, 一切開流心玉子蛋既蛋汁往下流出, 和牛他他沾有蛋汁之後再加埋餐廳為我地準備好既柚子醬汁, 入口感覺好fresh~ 和牛他他好軟林林既口感完全唔覺得食緊生牛肉, 完全冇筋位, 好希驚喜既一道前菜!四點
野食方面都幾多, 我覺得唔算好大食既絕對可以三人行叫呢個二人套餐外再叫其他小食/壽司都可以幫襯過幾次都係晚飯時間, 人客既質素都好高, 餐廳行和風設計, 好有日本餐廳既感覺, 而且客人都唔講講野好大聲, 對於中意靜下舒舒服服同朋友/情人食個日本餐呢度絕對係我首選!
和牛宴 $1288 for two開始我仲覺得有d貴, 不過原來前幾道既set for two都係兩人份, 一人一碟. 先黎左一個賣相好吸睛既前菜!
流心玉子蛋再加上鹿兒島和牛他他, 紫蘇葉, 牛油果 & 米通底, 一切開流心玉子蛋既蛋汁往下流出, 和牛他他沾有蛋汁之後再加埋餐廳為我地準備好既柚子醬汁, 入口感覺好fresh~ 和牛他他好軟林林既口感完全唔覺得食緊生牛肉, 完全冇筋位, 好希驚喜既一道前菜!
四點刺身, 雖然叫四點刺身, 但計埋帶子有五點杜丹蝦每次我都會先食, 因為總覺得蝦一定要快d食~杜丹蝦肉質好有彈性, 肉質帶有甜香味, 好新鮮既杜丹蝦啊!!! 超愛
帶子都係有甜度嫁! 佢個口感好實在~咬落有d彈性唔係太林果種感覺, 只可惜... ... 得一粒太少喇, 如果可以食多幾粒就好喇其他既魚刺身都係有質感的, 本身唔算太好魚刺身既我都食晒白色果款魚~ 鯛魚既厚薄恰到好處, 食落都係有口感既魚質~唔錯唔錯
鹿兒島和牛薄燒就好似係網燒和牛一樣, 內裡放左滿滿炸蒜頭, 和牛油脂充滿晒成個口腔, 牛香味後勁十足, 之後就會感受到陣陣蒜香, 因為一件起兩件止, 食落唔會覺得太膩, 岩岩好~
和牛壽司係生牛肉, 油脂分佈佈滿整塊牛肉, 不過油脂唔係最肥既位置, 所以望落唔係白色既脂肪位, 雖然係淡少色既和牛壽司, 但呢件壽司唔係沾醬油食嫁!! 而係沾芝麻醬, 如果用上醬油就會將牛肉味都蓋過喇~ 芝麻醬提升香味唔會搶奪左味道, 和牛位置唔會覺得有筋果d, 食落唔使花太多力度就可以自然地將牛肉分解開~呢個和牛宴食既牛肉真係好食到有d過份
食到咁多肉自己都覺得有d罪惡感, sukiyaki上放左成盤蔬菜盤係我地眼前, 菜都係好乾淨好靚既菜~ 豆腐, 冬菇, 金菇, 大蔥, 洋蔥, 仲有大量既菠菜 同 黃芽白, 蔬菜都係依各人喜好中意食爽d / 林d, 而且都係菜品所以都唔多介紹la~
不過sukiyaki食洋蔥真係第一次, d洋蔥吸收左壽喜燒既湯底真係變得好甜好好食!
呢個sukiyaki又點少得和牛, 4塊超大片既A5和牛, 雪花分佈好平均, 只要煮6-8秒就足夠喇!!牛脂真係好香~ 食落唔會覺得超過份既入口即溶感覺, 不過真係好香牛味, A5和牛口感好軟熟, 真係令我又愛又恨~
加蛋醬食更加滑流! 食埋呢2塊牛肉真係覺得好有罪惡感, 睇黎真係要開始做返運動先得喇!!!
最後食埋個餐廳準備既焦糖燉鮮奶 & 抺茶厥餅, 焦糖燉鮮奶奶香味好濃郁, 一向超中意食奶類製品既我表示份量有d少唔係好夠喉
抺茶厥餅唔算好濃既抺茶味, 食落感覺都好得意, 似食mochi又似食緊jelly既混合物, 厥餅勝在唔會太甜, 不過兩者當中比較中意食焦糖燉鮮奶多d, 呢個奶味布丁真係出面好少可以係日本餐廳食到呢個兩人套餐真係好多, 食到我同男朋馳2個都好滿足, 看似好貴但食起上黎完全覺得係值得的, 所以同男朋友總係有大事慶祝都會黎呢度食飯, 今次呢餐真係個好好既和牛餐體驗~
除此之外, 花木仲有個好抵食既午餐優惠, 餐牌上既套餐都係買一送一, 當中當然係送較平果個套餐喇! 呢個套餐真係好抵食, 下次同男朋友下午出黎食下先~~~~~
張貼
