麵屋哲 (已結業)

荃灣Donki既food court 3月已經開張左一直都唔得閒黎，今日終於有機會，呢排行donki冇之前咁多人好行左，但food court座位由於收起左一半可能未必夠坐。food court大部份舖頭都開晒，仲俾我發現到之前銅鑼灣好hit既熱石沾麵-Tetsu，但應該由於係food court入面就冇左熱石供應，試左個Classic版哲濃沾麵（$78），湯底同日本食既味道差唔多，麵條都做到掛湯效果，個沾麵食完之後可以返court加番個湯飲湯，由於food cort冷氣比較大，食麵要盡快食，如果唔係個湯凍左就冇咁好食。哲濃沾麵會跟一塊叉燒、荀條、鳴門卷，而家開張期間每日頭102個客會送半隻日本溏心蛋，過左呢段優惠期就要$12一隻，飲品有罐裝汽水或者支裝飲品，加左支雲抹日式綠茶（$12），整體黎講價錢同味道都唔錯，冇得飛日本行完donki食番個沾麵都可以解決一下思鄉病