9
1
0
開飯介紹
創辦於2005年,沾麵專門店-麵屋哲由小店舖開始,發展到現時全球共有27間店舗。麵屋哲曾獲多個獎項,包括TripAdvisor Certificate of Excellence。沾麵是拉麵的一種、將麵和湯分開呈上,把粗麵放入熱而濃的湯沾一沾來吃。這就是沾麵。沾麵作為日本的一種飲食文化,我們希望世界上更多人能夠得以品嚐。 繼續閱讀
付款方式
現金
食評 (10)
等級4 2020-05-17
118 瀏覽
這間曾經來過香港可惜最後也未能企穩陣腳的麵屋哲TETSU,在我未吃前已結業令我有丁點兒的遺憾!事隔兩年原來麵店已悄悄地在荃灣捲土重來,這天便跟車爸爸來吃回這丁點遺憾! 但麵屋哲這次重來竟落户於荃灣海之戀商場激安之殿堂美食廣場內,聽聞這兒少了沾麵的熱石供應,不知是否這因由我們這天看見幫襯的人不多呢! 餐牌非常簡潔只有6款麵食、5款小食加上一些普通飲品,但不明白為何沒有4和5號呢?? 櫃檯放有調味料任客人使用,另有一壺柴魚清湯吃完沾麵可加入沾汁內便可連湯幹掉。 麵店須然變了陣但聽聞湯頭全由日本直送,而製作麵條麵粉亦來自日本弄得我頗為期待! 我乖乖找好位置座好等車爸爸點餐!回來看見我們心意相通同點了濃厚豚骨拉麵$73! 但我想吃溏心蛋和筍所以點特製濃厚豚骨拉麵$98,跟車爸爸那碗分別只在於多了一隻溏心蛋、筍和叉燒份量多了!先呷一口濃厚豚骨湯味道挺香濃但不會膠嘴我喜歡喔! 日式叉燒入口質感軟滑肉味香濃好味道,但我不喜歡硬將叉燒分半令賣相頓然大打折扣! 最弊的是那隻在溏心蛋不用我說也知道又多失敗啦! 而拉麵係用幼身的曲麵但冇得揀軟硬度,可幸出來的口感也不會過淋,這碗麵整體來說我覺得不錯除了隻蛋哈哈!! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-20
0 瀏覽
次次行完donki都好想試下food court入面嘅餐廳但奈何望住人山人海嘅坐位次次都失望而回今次終於俾我搵到位同朋友食野仲發現一間好耐之前食過嘅Tetsu餐廳依舊主打沾麵同拉麵加幾款小食但就冇左熱石供應落單時員工回應由於food court形式關係未能供應但就溫馨提示要盡快進食因為food court冷氣好勁試左招牌沾麵同係東京食嘅味道差唔多但因為麵量冇得揀 好努力食左2/3就要投降食完可以返櫃枱加湯飲但始終係food court行到尾已經有人係隔離等位好有壓力如果可以開番門市就好 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-02
165 瀏覽
今天去開Donki,見到我以前食開既沾麵Tetsu居然係food court開左一間我就去買左一碗1號哲濃沾麵+炸餃子我大概等左8-10分鐘左右就已經可以取餐,等既時間亦唔算太耐,我取餐既時候,店員會同我講返,食完個沾麵可以返左加高湯飲食既時候,個湯唔係太熱,可能係個埸太凍,令到個湯好快凍,亦都冇左以前既熱石,可能因food court 關係 加唔到個湯到,略有可惜和風炸餃子,香脆,食落有肉汁,好好食魚介豚骨沾湯+高湯一齊飲,魚既味道突出整體上都唔錯,係個埸太凍 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-01
79 瀏覽
當聽說荃灣Donki 的food court 開幕的時候,有很多網上文章都介紹了一些必食的項目,其中一樣便是這家的拉麵。聽說在日本很有名,在日本旅行時沒機會嘗試,這次剛好香港開了便來嘗一嘗了😀我選了濃香海老豚骨拉麵,因為疫情的關係所以決定外賣自取回家吃(外賣麵類需另加$3)。本來有點怕麵浸泡在湯裡會變太軟所以趕緊回家,沒想到原來麵跟食材跟湯底是分隔開來來,這裡值得一讚🤣這款拉麵包含了兩隻蝦、半隻糖芯蛋和一大堆小蝦乾。兩隻蝦都挺大的,糖芯蛋也弄得不錯,麵的軟硬道適中,湯也不會喝後不久就會有口渴的感覺😋整體我覺得是不錯,價錢比起其他拉麵店也差不多。因為沒吃過日本店的不能夠比較,但還是覺得可以再吃一次,下次也會想試試沾麵呢。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-04-28
163 瀏覽
去過尖咀果間冇foodcourt, 得知呢間終於會打造foodcourt, 就去睇下咩水準😆佢入面都有唔同種類既美食,拉麵pepper lunch都有,揀黎揀去最後停左係一間叫『麵屋哲』既店前面,聽講以前有係銅鑼灣開過店,係日本過江龍,好吸引到我呢個日本美食控,最後選定作為午餐😆呢間店主打食沾麵,另有幾款拉麵可以選擇。想食小食都可以加配。付款後會俾電子器,響左就可以拎餐,速度幾快,坐低一陣就拎得我點左個哲濃沾麵($78)張餐紙會介紹你點樣食沾麵,都幾貼心😊啲麵條掛湯到😲意料之外既驚喜一個美味既午餐就咁完美結束呢餐都令我覺得幾有驚喜😆無諗過食到個咁高水準既沾麵,值得我再黎食😋 繼續閱讀
(以上食評乃用戶個人意見 , 並不代表OpenRice之觀點。)