影片
更多
2023-04-16
443 瀏覽
上FB/IG見到朋友同事喺日本分享美食相，真係見到都開心，但唔駛羨慕喎～今晚我就去咗銅鑼灣嘅高級燒肉放題餐廳【宮崎肉本舖】，全部食材日本直送，喺香港都食到日本味道。餐廳以和風裝潢，望向維園感覺舒坦，部份卡位私密度高，同朋友/情侶歡聚或者招待客人都好合適。我哋食嘅係$998嘅【宮崎A5桜花牛極上放題】 ，店家每月由自家櫻花農場獨家進口日本總冠軍宮崎牛 —— A5櫻花牛。相信去日本都唔係度度都食到。入座冇耐店員就奉上一大盤櫻花牛啦，有齊肉後腿肉、外後腿肉、五花腩、肩口肉、牛肋肉、和尚頭、前腿肉、壽喜燒、肩里肌、肉眼。每片都肉色粉嫩佈滿雪花紋，真係望見都興奮呀。我哋由薄至厚去燒，口感、油脂比例、味道各有特色。可以蘸鹽、Wasabi、自家製燒肉汁、味噌汁食，味道更加多變。壽喜燒、肩里肌、肉眼脂肪最豐富，亦都最難控制火候，所以呢部份由店員幫忙。蘸壽喜燒汁食，口感更軟滑，食落入口即化，滿口油香蛋香。除咗牛肉，仲可以任點牛內臟，是日和牛內臟係【牛肝】【牛沙瓜(牛胃）】，兩款都好罕有，而且經過師傅處理更易入口，值得一試。唔好掛住食牛，來自日本嘅本地雞肉同黑豚肉都係頂級㗎～想食得多就要食得有策略，當然
餐廳以和風裝潢，望向維園感覺舒坦，部份卡位私密度高，同朋友/情侶歡聚或者招待客人都好合適。
我哋食嘅係$998嘅【宮崎A5桜花牛極上放題】 ，店家每月由自家櫻花農場獨家進口日本總冠軍宮崎牛 —— A5櫻花牛。相信去日本都唔係度度都食到。入座冇耐店員就奉上一大盤櫻花牛啦，有齊肉後腿肉、外後腿肉、五花腩、肩口肉、牛肋肉、和尚頭、前腿肉、壽喜燒、肩里肌、肉眼。每片都肉色粉嫩佈滿雪花紋，真係望見都興奮呀。
我哋由薄至厚去燒，口感、油脂比例、味道各有特色。可以蘸鹽、Wasabi、自家製燒肉汁、味噌汁食，味道更加多變。壽喜燒、肩里肌、肉眼脂肪最豐富，亦都最難控制火候，所以呢部份由店員幫忙。蘸壽喜燒汁食，口感更軟滑，食落入口即化，滿口油香蛋香。
除咗牛肉，仲可以任點牛內臟，是日和牛內臟係【牛肝】【牛沙瓜(牛胃）】，兩款都好罕有，而且經過師傅處理更易入口，值得一試。唔好掛住食牛，來自日本嘅本地雞肉同黑豚肉都係頂級㗎～
想食得多就要食得有策略，當然要叫沙律，均衡營養又減低膩感。【宮崎肉本舖和風沙律】酸酸哋又涼爽，夠開胃先可以持續戰鬥。
要回本，任點海鮮是常識吧。【帆立貝】有白汁芝士同櫻花蝦蛋黃醬兩款口味，惹味鮮甜；【甲羅燒】將鵪鶉蛋混入蟹膏蟹肉蟹籽，濃郁蟹味加嫩滑口感，出面食要六七十蚊一個㗎；【香草牛油廣島蠔】大大隻，鮮蠔味十足。
另一推介係【和牛一之藏拉麵】，以牛骨長時間熬製，牛尾軟腍；細細碗唔怕食到好飽。
飲品首推【乳酸梳打】，出去飲都$40-50一杯，我哋叫咗巨峰同白桃味，邊燒肉邊飲，冷熱衝擊，爽呀～亦可以選擇飲熱玄米茶，解吓膩。
最後就到甜品，必點限量嘅【自家制3.6特濃牛乳】牛乳味濃郁，口感軟滑。仲有【森永軟雪糕】都不容錯過。
幸福感滿滿嘅一餐~
張貼
