黑龍

營業中

休息中

日本人氣拉麵店黑龍拉麵在灣仔開咗分店，今日同老公過嚟試吓，黑龍由日本人開設，提供超正宗的日本拉麵及沾麵，主打各款濃郁美味湯底，其中包括豚骨拉麵、雞白湯拉麵、辣三枚沾麵等。食客可以因應個人口味揀選辣度。黑龍豚骨拉麵加玉子：配料有海苔、筍、蔥花，豬骨湯底味道夠濃，味道清甜鮮香，叉燒肥瘦適中，沾上濃湯更顯肉香，麵底煙韌極富口感，可選軟硬程度，掛湯能力高。白雞鹽拉麵加玉子，奶白色的湯底好濃郁，口感順滑，雞肉冇骨啖啖肉，原隻溏心蛋咬開蛋黃輕輕流出，沾上少許湯，更添美味。雞皮餃子即叫即炸，外皮金黃酥脆，內餡軟嫩多汁。雞皮油香十足。炸雞皮脆肉嫩，點些沙律醬更惹味！章魚燒皮酥餡軟嫩，味道濃厚，添加燒汁口感更為豐富！生啤加餃子：餃子煎得金黃香脆不破皮，內餡飽滿有肉汁。搭配甘醇濃厚的三得利啤酒一流！