一鳴丼食堂

營業中

休息中

星期三晚 同朋友係大埔食飯 我地兩個都日本癮起 就揀左一嗚呢間日本野啱啱入店內 感覺好舒服 小店俾人feel warm 燈光柔和 我地坐bar枱 對住師傅 睇住師傅整野食 好有置身日本既感覺•店內裝修係和風 雖然枱數目唔多 但係枱之間距離唔會太貼 感覺唔會太焗悶 店員幫我拉開張櫈 同埋俾酒精搓手液我 防護意識好好 貼心又有禮貌 😽之後店員為我地斟熱綠茶同埋遞上menu 菜式都多選擇 🥢鮭火山🥢四重火焰盛飯好快就到 店員另外俾左個碗仔我 俾我將餸分落碗度 唔洗食到論論盡盡 餸份量多 同飯既比例剛好 師傅用火輕輕灸過 香口又美觀 四盛分別係帶子 左口魚 三文魚同埋蟹柳 每樣都新鮮香口 香味濃郁 飯係日本珍珠米 濕度剛好 鮭火山既三文魚份量多 粒粒厚切 青瓜同玉子襯托減低魚既油膩感 正呀❤️😋加上價錢合理 服務又貼心 係呢個抗疫時期 無得去日本既時候 過左一下”日本癮” 🇯🇵都幾開心