🍜 柚子胡椒豚肉烏冬
湯底好清新！柚子嘅香氣同胡椒嘅微辣配合得啱啱好，飲落好舒服。豚肉薄切入味，烏冬軟滑又掛湯，凍食特別清爽，好適合夏天～
🍚 明太子大葉豆乳芝士意大利飯 + 麵豉湯套餐
日式風格嘅意大利飯，豆乳芝士汁溫柔香滑，明太子帶出鹹鮮味，仲有紫蘇葉嘅清香。飯粒煮得剛好，唔會太腍。跟餐嘅麵豉湯都幾足料，味道自然。
🍨 抹茶朱古力芭菲
抹茶控必點！頂層係北海道抹茶雪糕，濃郁甘香，配上軟滑生朱古力同脆脆片，底層仲有抹茶果凍。一啖挖到底，口感豐富，甜度控制得好好，唔會膩。
🍧 焙茶白玉芭菲
焙茶香氣好突出，味道醇厚。配上煙韌白玉丸子同清爽茶凍，成杯食晒都唔會滯，好有滿足感～
🥤 凍焙茶焦糖牛奶
焙茶味好出，焦糖同忌廉嘅甜度適中，飲落順口，焙茶獨特嘅炭香同奶香好夾。
🍫 凍抹茶牛奶忌廉朱古力
忌廉輕盈綿密，抹茶朱古力味道濃郁，帶微微甘苦。飲之前攪勻，口感更加順滑。
