影片
更多
2023-06-05
30 瀏覽
嚟到尖沙咀，好想食下石板燒，諗起較早前去過嘅牛匠，好掛住佢嘅燒牛肉😋 鍾意呢度好有日本嘅感覺，油煙又唔多。 餐廳好貼心提供咗即棄圍裙，著白色衫都唔使驚整污糟件衫。 店員先送咗個爐上嚟，爐上面加咗張紙，防止啲肉會燒得太燶。當個石板燒咗大概3分鐘左右，就可以喺熱石板上面搽一浸脂肪，燒出嚟啲肉更加香。 重頭戲當然就係鹿兒島A4牛肩啦，見到啲雪花紋就已經知道一定好好味，果然真係好嫩滑，食落去好重油脂，有入口即溶嘅感覺，非常之美味。 厚切特上牛舌combo一定要食呀，佢分開咗厚切同薄切，可以試晒兩種唔同嘅口感。厚切就比較煙韌有嚼勁，而薄切就較爽口，可以加蒜片同生菜配合一齊食都咁好味，而且仲冇咁油膩添。 明太子脆豆腐： 個豆腐炸得金黃香脆，配合明太子醬一齊食，別有一番風味。 味素飯，溫泉蛋： 溫泉蛋可以加落味素飯度食，令飯充滿蛋香味。 烏冬：烏冬份量唔算多，啱晒女士食，烏冬好爽滑。 炸墨魚咀： 墨魚咀好大粒，炸得金黃酥脆，食落煙韌彈牙，加埋啲芥末沙律醬， 味道更加提升。 彩虹水果茶🌈🍹： 個水果茶好大杯，有好多種唔同生果，有菠蘿🍍、檸檬🍋、藍莓、橙🍊、士多啤梨🍓、百香果、西柚， 又有薄荷葉，喺呢個
嚟到尖沙咀，好想食下石板燒，諗起較早前去過嘅牛匠，好掛住佢嘅燒牛肉😋
鍾意呢度好有日本嘅感覺，油煙又唔多。
餐廳好貼心提供咗即棄圍裙，著白色衫都唔使驚整污糟件衫。
店員先送咗個爐上嚟，爐上面加咗張紙，防止啲肉會燒得太燶。當個石板燒咗大概3分鐘左右，就可以喺熱石板上面搽一浸脂肪，燒出嚟啲肉更加香。
重頭戲當然就係鹿兒島A4牛肩啦，見到啲雪花紋就已經知道一定好好味，果然真係好嫩滑，食落去好重油脂，有入口即溶嘅感覺，非常之美味。
厚切特上牛舌combo一定要食呀，佢分開咗厚切同薄切，可以試晒兩種唔同嘅口感。厚切就比較煙韌有嚼勁，而薄切就較爽口，可以加蒜片同生菜配合一齊食都咁好味，而且仲冇咁油膩添。
明太子脆豆腐： 個豆腐炸得金黃香脆，配合明太子醬一齊食，別有一番風味。
味素飯，溫泉蛋： 溫泉蛋可以加落味素飯度食，令飯充滿蛋香味。
烏冬：烏冬份量唔算多，啱晒女士食，烏冬好爽滑。
炸墨魚咀： 墨魚咀好大粒，炸得金黃酥脆，食落煙韌彈牙，加埋啲芥末沙律醬， 味道更加提升。
彩虹水果茶🌈🍹： 個水果茶好大杯，有好多種唔同生果，有菠蘿🍍、檸檬🍋、藍莓、橙🍊、士多啤梨🍓、百香果、西柚， 又有薄荷葉，喺呢個極端酷熱嘅天熱下飲真係超級消暑。
桂花果釀四桂春：四春茶表面加咗芝士奶蓋，creamy 得嚟又有啲茶味，味道唔會太濃。
張貼
